Sosial

Ana səhifə

Sosial

Bakıda və Azərbaycanın bəzi rayonlarda qar yağır

17 mart 2012 08:40 (UTC +04:00)

APA-nın məlumatına görə, bəzi yerlərdə qar daha da intensivləşib. Şimal-qərb küləyi əsir. Havanın temperaturu gecə 0 dərəcəyə yaxın, gündüz 1-4 dərəcə isti olacaq.

Martın 18-də hava dəyişkən buludlu, əsasən yağmursuz keçəcək. Gündüz arabir güclənən cənub-qərb küləyi əsəcək. Havanın temperaturu gecə 0-2 dərəcə şaxta, gündüz 5-9 dərəcə isti olacaq.

Azərbaycanın bəzi rayonlarında da bu gün sulu qar, qar yağır, qərb küləyi əsir. Havanın temperaturu gecə 4 dərəcə şaxtadan 1 dərəcəyədək isti, gündüz 2-7 dərəcə isti, dağlarda gecə 4-9, gündüz 0-5 dərəcə şaxta olacaq. Yüksək dağlıq ərazilərdə havanın minimal temperaturu 13-18 dərəcə şaxta təşkil edəcək.

Martın 18-də bölgələrdə hava əsasən yağmursuz olacaq. Gecə və səhər bəzi yerlərdə duman olacaq. Cənub-qərb küləyi əsəcək, gündüz saatlarında əsasən dağlıq rayonlarda arabir güclənəcək. Havanın temperaturu gecə 2 dərəcə şaxtadan 3 dərəcəyədək isti, gündüz 9-14 dərəcə isti, dağlarda gecə 7-12 dərəcə şaxta, gündüz 3-8 dərəcə isti olacaq. Yüksək dağlıq ərazilərdə havanın minimal temperaturunun 10-15 dərəcə şaxta olacağı gözlənilir.

hava