Hadisə

Ana səhifə

Hadisə

Azərbaycanda dələduzluq yolu ilə vətəndaşlardan 100 min dollar pul mənimsəyən şəxs həbs edilib

09 iyun 2012 07:33 (UTC +04:00)

Bu barədə APA-ya bakı şəhər Baş Polis İdarəsindən bildirilib.

Məlumata görə, Nizami rayon Polis İdarəsinin 25-ci Polis Bölməsi əməkdaşlarının həyata keçirdiyi əməliyyat-axtarış tədbirləri nəticəsində Cinayət Məcəlləsinin 178-ci (dələduzluq) maddəsi ilə axtarışda olan Mobil Həsənzadə tutulub.

Nizami rayon Polis İdarəsindən APA-ya bildirilib ki, Mobil Həsənzadə dələduzluq yolu ilə vətəndaşlara külli miqdarda ziyan vurub. Belə ki, Füzuli rayon sakini olan Mobil Həsənzadə Ağsu rayon sakini Dürdanə Quliyeva, Bakı şəhər sakinləri Rövşən Əliyev, Nahidə Məmmədova, Elşad Nəzərli və digərlərinin etimadlarını qazanaraq onlardan ümumilikdə 100 min dollara yaxın pul alıb.