Bakı-APA. İqtisadi inkişaf naziri, Azərbaycanın Avropaya İnteqrasiyası üzrə Dövlət Komissiyasının sədri Şahin Mustafayev Bakıda səfərdə olan Avropa İttifaqının Avropa Parlamentinin Avropa Mühafizəkarlar və İslahatçılar Qrupunun üzvlərindən ibarət nümayəndə heyəti ilə görüşüb. APA-nın məlumatına görə, görüşdə nazir Şahin Mustafayev Avropalı deputatlara Azərbaycan iqtisadiyyatı, ölkəmizdə həyata keçirilən iri layihələr barədə geniş məlumat verib. Qeyd edilib ki, uğurla davam etdirilən sosial-iqtisadi siyasət nəticəsində Azərbaycanda siyasi və makroiqtisadi sabitlik, davamlı və dayanıqlı iqtisadi inkişaf təmin edilib, əlverişli biznes və investisiya mühiti yaradılmış, iqtisadiyyatın dünya iqtisadiyyatına inteqrasiyası, iqtisadi-ticarət əlaqələrinin genişləndirilməsi istiqamətində əhəmiyyətli tədbirlər həyata keçirilib. Bu gün Azərbaycan Avropanın enerji təhlükəsizliyinin təmin olunmasında etibarlı tərəfdaş, qlobal enerji və nəqliyyat layihələrinin fəal iştirakçısı, beynəlxalq tədbirlər məkanıdır. Azərbaycanda xarici ölkələrlə, o cümlədən Avropa İttifaqı ölkələri ilə əlaqələrin inkişafına böyük önəm verildiyini diqqətə çatdıran nazir Şahin Mustafayev əməkdaşlığın genişlənməsində parlamentlərarası əlaqələrin və qarşılıqlı səfərlərin əhəmiyyətini diqqətə çatdırıb.
Azərbaycanın Avropa İttifaqı ilə əməkdaşlığına dair müzakirələrin və qarşılıqlı fikir mübadiləsinin aparıldığı görüşdə Avropalı deputatlar ölkəmizə səfərlərindən məmnunluqlarını ifadə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
