Bakı. Mübariz Aslanov - APA. Azərbaycanda paralimpiya, deflimpiya və xüsusi idman növləri üzrə respublika və beynəlxalq miqyaslı yarışlarda iştirak zamanı idmançılar dövlət tərəfindən icbari sığorta olunacaqlar.
Milli Məclisin Sosial siyasət komitəsindən APA-ya verilən məlumata görə, bununla bağlı “Bədən tərbiyəsi və idman haqqında” qanuna dəyişikliklər təklif olunub.
Layihəyə əsasən, paralimpiya, deflimpiya və xüsusi idman növləri üzrə respublika və beynəlxalq miqyaslı yarışlarda iştirak zamanı idmançılar Paralimpiya, Deflimpiya və Xüsusi Olimpiya komitələri tərəfindən qanunun 60.1-ci maddəsinə uyğun olaraq icbari qaydada sığorta ediləcəklər.
Yeni redaksiyada verilən həmin maddədə qeyd olunur ki, bədən tərbiyəsi ilə məşğul olan şəxslər, idmançılar, idman hakimləri, məşqçilər peşəkar fəaliyyətləri ilə əlaqədar “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında” qanuna uyğun olaraq icbari qaydada sığorta ediləcəklər.
Layihə Milli Məclisin plenar iclasına tövsiyə olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
