Bakı. Aqşin Rafiqoğlu - APA-Economics. Bu gün Azərbaycan Dövlət Neft Şirkətinin (ARDNŞ) prezidenti Rövnəq Abdullayev Cənubi Koreyanın “Hyundai Engineering Construction Co. LTD” şirkətinin prezidenti və icraçı direktoru Soo-Hyun Jungla görüşüb.
ARDNŞ-dən “APA-Economics”ə verilən məlumata görə, R.Abdullayev bildirib ki, Azərbaycan Cənubi Koreya ilə iqtisadi əməkdaşlığın genişləndirilməsi və dərinləşdirilməsinə böyük maraq göstərir. Koreya şirkətləri ilə ARDNŞ arasında səmərəli tərəfdaşlıq təcrübəsi yarandığını vurğulayan R.Abdullayev ARDNŞ-ın ölkə daxilində və xaricdə həyata keçirməyə hazırlaşdığı iritutumlu sərmayə proqramları, TANAP, “Star” neft emalı zavodu, neft-qaz emalı və neft-kimya kompleksi və başqa layihələr haqqında qonaqlara ətraflı məlumat verib, əməkdaşlıq üçün geniş və perspektivli imkanlar olduğunu bildirib.
Soo-Hyun Jung ARDNŞ tərəfindən Azərbaycanda və xarici ölkələrdə həyata keçirilən layihələrə böyük maraq göstərdiklərini ifadə edib. Görüşdə tərəfləri maraqlandıran digər məsələlər ətrafında da fikir mübadiləsi aparılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
