Bakı-APA, Ukrayna beynəlxalq məhkəmələrdə Rusiyaya qarşı iddia qaldırmağa hazırlaşır. APA-nın “İTAR-TASS”a istinadən verdiyi xəbərə görə, bu barədə ötən gün Ukrayna XİN rəhbərinin vəzifəsini icra edən Andrey Deşitsa Brüsseldə NATO-Ukrayna komissiyasının iclasında bildirib.
“Ukrayna Krımı öz hissəsi hesab edir. Biz BMT Beynəlxalq Məhkəməsi də daxil olmaqla, digər beynəlxalq məhkəmələrdə Rusiyaya qarşı iddia qaldıracağıq. Beynəlxalq ictimaiyyətin geniş dəstəyi ilə Krımı qaytarmaq əzmindəyik”, deyə o bildirib. Bununla belə, onun sözlərinə görə, bu heçdə tez baş verməyəcək.
“Bütün lazımi sənədləri toplamaq üçün bizə zaman gərəkdir. Bizim ekspertlər hazırda iddiaların hazırlanması ilə məşğuldur”, deyə o bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
