Bakı. Aynur Əliyeva – APA-Economics. Azərbaycanda ötən ilin dekabr ayında əvvəlki ayla müqayisədə nəqliyyat sektorunda sərnişindaşıma tarifləri 1,4% bahalaşıb, yükdaşıma tarifləri isə sabit qalıb.
«APA-Economics»in Dövlət Statistika Komitəsinə istinadən verdiyi məlumata görə, ay ərzində MDB ölkələrinə hava nəqliyyatı və dəmir yolu nəqliyyatı üzrə sərnişindaşıma tarifləri müvafiq olaraq 3,5% və 16,9%, digər xarici ölkələrə hava nəqliyyatı üzrə sərnişindaşıma tariflərində isə 8,9% bahalaşma müşahidə olunub.
Dekabr ayında dəniz nəqliyyatında sərnişindaşıma tarifləri 2,3% bahalaşıb. Boru kəməri vasitəsilə neft və qazın nəql olunma tarifi üzrə və avtomobil nəqliyyatında sərnişindaşıma tarifləri üzrə dekabrda dəyişiklik müşahidə olunmayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
