Zaqatala. Vüqar Heydərov - APA. Zaqatalada yanğın hadisəsi baş verib.
Fövqəladə Hallar Nazirliyinin (FHN) Zaqatala rayon Dövlət Yanğından Mühafizə Xidmətindən APA-nın Şəki-Zaqatala bürosuna verilən məlumata görə, yanğın rayonunun Çökək yaşayış massivində Müslümov Məhəmməd Oruc oğluna məxsus ümumi sahəsi 110 kv. m olan, kürsülü evin mətbəxində baş verib.
Hadisə yerinə FHN-in Zaqatala rayon DYMX-nin texnikası və canlı qüvvəsi cəlb edilib. Yanğınsöndürənlərin səyi nəticəsində yanğının genişlənməsinin qarşısı dərhal alınıb. Yanğın nəticədə evin mətbəxinin tavan hissəsinin 5 kv. m hissəsi yanaraq yararsız vəziyyətə düşüb.
Faktla bağlı FHN-in Zaqatala rayon DYMX-də araşdırma aparılır.