Bakı. Viktoriya Dementyeva-APA. Oktyabrın 9-da Lüksemburqda Avropa İttifaqı (Aİ) və “Şərq tərəfdaşlığı” ölkələrinin xarici işlər nazirlərinin görüşü zamanı Aİ və sözügedən proqrama daxil olan ölkələr arasında vahid nəqliyyat şəbəkəsinin yaradılmasına doğru mühüm addım atılıb. APA-nın Avropa İttifaqının mətbuat xidmətinə istinadən verdiyi məlumata görə, görüşün yekunlarına dair imzalanan qətnamədə nazirlərin Avropa Komissiyasına “Şərq Tərəfdaşlığı”nın regioanl nəqliyyat şəbəkəsinin Trans-Avropa (TEN-T) şəbəkəsinin yaradılması planına daxil edilməsinə dair tövsiyyələr yer alıb.
“Şərq Tərəfdaşlığı”nın bütün məqsədləri Aİ-nin 6 tərəfdaş-ölkə ilə daha sıx inteqrasiyasına imkan verəcək. Artıq ümumi hava məkanının yaradılması məsələsində müəyyən nəticələr əldə olunub. Ona görə də analoji nailiyyətlərin damir yolu və su nəqliyyatı sektorlarında da əldə ediləcəyi gözlənilir”, - deyə toplantının yekunlarına dair Litvanın nəqliyyat və kommunikasiyalar naziri Rimantas Sinkyaviçus bildirib.
“Şərq Tərəfdaşlığı” ölkələrinin nəqliyyat nazirləri həmçinin prioritet infrastruktur layihələrə müsbət rəy verib. Gələcəkdə bu layihələr Aİ və beynəlxalq maliyyə institutları tərəfindən maliyyələşdirilə bilər.
Nəqliyyat nazirlərinin görüşünün nəticələrinin oktyabrın 28-29-da Vilnyusda keçirilməsi planlaşdırılan “Şərq Tərəfdaşlığı” sammiti çərçivəsində qəbul olunacağı gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
