Bakı. Zümrüd Paşayeva - APA. Rusiya Avstraliyanın sanksiyalarına simmetrik cavab verəcək.
APA-nın “Russia Today”a istinadən verdiyi məlumata görə, bunu Rusiya prezidentinin mətbuat xidmətinin rəhbəri Dmitri Peskov bəyan edib.
O bildirib ki, Avstraliyanın Rusiya şirkətlərinə və bəzi vətəndaşlarına qarşı tətbiq sanksiyalar cavabsız qalmayacaq.
“Belə məsələlərdə qarşılıqlı prinsiplər işə düşür”, - deyə o vurğulayıb.
D.Peskov sanksiyaların Rusiyanın G 20-dəki fəaliyyətinə təsir etməyəcəyini qeyd edib.