Bakı. Real Cəfərli - APA. Avropa Parlamentinin nümayəndə heyətinin rəhbəri Hans Svoboda İrana səfərinin yekunlarına həsr olunmuş mətbuat konfransı keçirib.
APA-nın İRİB-ə istinadən məlumatına görə, Avropa Parlamentinin sosialistlər qrupunun rəhbəri bildirib ki, Avropa Birliyi İrana qarşı tətbiq edilmiş sanksiyaların ləğv edilməsinin tərəfdarı olsa da, ancaq ABŞ bununla razılaşmır: “Lakin biz İrana qarşı tətbiq olunmuş dərman sanksiyalarını qəbuledilməz hesab edirik”.
H.Svoboda İranın Suriya və Əfqanıstanda sabitliyin bərqərar edilməsindəki roluna da toxunub: “Biz bu rolu yaxşı başa düşürük. İranın narkotik maddələrin tranziti ilə mübarizədəki rolu da nəzərəçarpacaq dərəcədədir. İran hətta Misirdə də stabilliyin bərqərar olunmasında rola malikdir”.
Qeyd edək ki, Avstriya Sosial-Demokrat Partiyasının sədrinin rəhbərlik etdiyi üç nəfərdən ibarət nümayəndə heyəti oktyabrın 19-dan İranda səfərdədir. H.Svoboda İranda Həsən Ruhaninin hakimiyyətə gəlməsindən sonra bu ölkəyə səfər edən Avropanın ilk yüksək ranqlı rəsmisidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
