Xaçmaz. Vəli Turan – APA. Ötən gün axşam saatlarında Gəndob-Yala yolunun Xaçmaz şəhəri ərazisindən keçən hissəsində yol-nəqliyyat hadisəsi baş verib.
APA-nın şimal bürosunun verdiyi məlumata görə, Bakıdan Xaçmaz istiqamətində hərəkətdə olan Xaçmaz rayon sakini, 1981-ci il təvəllüdlü Sübhanov Azər Tahir oğlunun idarə etdiyi 90 ND 246 dövlət nömrə nişanlı, “VAZ-21015” markalı avtomaşın idarəetməni itirərək əks istiqamətə çıxıb.
Nəticədə “VAZ-21015” Xaçmaz şəhər sakini, 1973-cü il təvəllüdlü Nəsrullayev Bəxtiyar Balaəhməd oğluna məxsus 90 BH 717 dövlət nömrə nişanlı, “Hyundai” markalı avtomaşına dəyib. Qəza nəticəsində xəsarət alan olmasa da, avtomaşınlara ziyan dəyib.
İlkin ehtimala görə, hadisəyə “VAZ-21015”-in yüksək sürətlə idarə edilməsi səbəb olub.
Faktla bağlı araşdırmalar davam etdirilir.