Bakı. Aqşin Rafiqoğlu – APA-Economics. Fevralın 28-dən martın 1-dək Qazaxıstanın Mangistau vilayətinin akimi Alik Aydarbayevin rəhbərlik etdiyi nümayəndə heyəti Azərbaycana səfərə gələcək.
Azərbaycan İqtisadiyyat və Sənaye Nazirliyindən «APA-Economics»ə verilən məlumata görə, səfər çərçivəsində Qazaxıstan nümayəndə heyəti bir sıra rəsmi görüşləri keçirəcək, İqtisadiyyat və Sənaye Nazirliyinin dəstəyi, Azərbaycanda İxracın və İnvestisiyaların Təşviqi Fondunun (Azpromo) təşkilatçılığı ilə Azərbaycan-Qazaxıstan biznes forumu təşkil olunacaq.
Qazaxıstan nümayəndə heyəti səfər zamanı bir sıra müəssisələrdə də olacaq.