Bakı. Rəşad Süleymanov – APA. Azərbaycanın müdafiə sənayesi naziri Yavər Camalov Türkiyə Makina və Kimya Sənayesi Təşkilatının (MKE) İdarə Heyətinin sədri və baş direktoru İzzet Artunçun başçılıq etdiyi nümayəndə heyəti ilə görüşüb. Bu barədə APA-ya MSN-dən məlumat verilib.
Görüşdə Azərbaycanın Müdafiə Sənayesi Nazirliyi ilə MKE arasındakı əməkdaşlığın hazırkı vəziyyəti və perspektivləri müzakirə edilib.
Türkiyənin Azərbaycandakı hərbi attaşesi Yücel Karauz görüşdə iştirak edib.