Bakı. Faiq Mahmudov – APA. Ötən gecə Rusiyanın Kabarda-Balkar Respublikasının Bakson rayonunda güc strukturları əməkdaşları ilə silahlılar qarşıdurma olub.
APA-nın RİA “Novosti”yə istinadən verdiyi xəbərə görə, nəticədə 3 silahlı zərərsizləşdirilib.
Gecə saatlarında hadisənin baş verdiyi ərazidə antiterror əməliyyatı rejimi tətbiq edilib. Silahlı qrup 5 nəfərdən ibarət olub. Hazırda digər 2 nəfərin axtarışı davam edir.
Bildirilir ki, zərərsizləşdirilən 3 silahlıdan birinin bir neçə cinayətlərdə əli olub, digəri isə federal axtarışda olub.