Bakı. Könül Cəfərli – APA. İranın Xuzistan vilayətində partlayış baş verib.
APA-nın İLNA-ya istinadən məlumatına görə, hadisə martın 9-da saat 08:30-da Bəndər Xomeyni şəhərində “Delfin” otelinin qarşısında, Səduqi bazarının yaxınlığında olub.
Xəbərdə bildirilir ki, partlayış törədildiyi ərazi şəhərdə insanların ən sıx olduğu yerdir. Partlayış nəticəsində ətrafdakı evlər, mağazalar, yoldan keçən maşınlar, insanlar xəsarət alıb. Ölənlərin olduğu barədə hələlik məlumat yoxdur, yaralıların sayı isə məlum deyil.
Qeyd edək ki, Xuzistan ərablərin kompakt yaşadığı bölgədir və bu ərazidə tez-tez partlayışlar baş verir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
