Bakı. Mübariz Aslanov - APA. Xarici ölkələrdə əmək fəaliyyəti ilə məşğul olan Azərbaycan vətəndaşları ilə bağlı yeni şərtlər tətbiq olunur.
Milli Məclisdən APA-ya verilən məlumata görə, bununla bağlı “Azərbaycan Respublikasının Konsul Nizamnaməsi”nə yeni maddə əlavə olunur.
Yeni 39-1.-ci maddəyə görə, xarici ölkələrdə haqqı ödənilən əmək fəaliyyəti ilə məşğul olan Azərbaycan Respublikasının vətəndaşları qeydiyyatdan keçəcək. Qeydiyyat prosesini Azərbaycanın xarici ölkələrdəki konsulları həyata keçirəcək.
Layihə Milli Məclisin oktyabrın 17-də keçiriləcək plenar iclasına tövsiyə olunub.