Gəncə. Azər Məmmədov – APA. Gəncə şəhərində ölümlə nəticələnən yol-nəqliyyat qəzası baş verib. Gəncə şəhər Baş Polis İdarəsindən APA-nın Qərb bürosuna verilən məlumata görə, hadisə saat 12 radələrində şəhərin “Kəpəz dairəsi” adlanan hissəsində baş verib. Gəncə şəhər sakini, 1982-ci il təvəllüdlü Rüfət İsmayılov “VAZ 21012” markalı avtomobili idarə edərkən idarəetməni itirib və maşın maneəyə çırpılıb. Ağır bədən xəsarətləri alan R. İsmayılov hadisə yerindəcə dünyasını dəyişib.
Faktla əlaqədar cinayət işi açılıb.