Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev APA-ya açıqlamasında deyib ki, dünən Bakıda və Abşeron yarımadasında iqlim normasından yüksək temperatur qeydə alınıb. Belə ki, mayın 1-də paytaxtda havanın temperaturu iqlim normasından 3-4 dərəcə yüksək olub.
A.Verdiyev qeyd edib ki, bu gün də Bakıda və Abşeron yarımadasında havanın temperaturu iqlim normasından bir qədər yuxarıdır. Mayın 3-də və 4-də isə havanın temperaturunun norma daxilində olacağı gözlənilir.