Mərkəzi Elmi Kitabxananın mətbuat xidmətindən APA-ya verilən xəbərə görə, göstəricidə Qafqazın, İranın və Türkiyənin qədim tarixi, orta əsrlər tarixi və XX yüzilliyin tarixi dövrləri əhatə olunub.
Göstərici Qafqaz xalqlarının tarixini, coğrafiyasını, etnoqrafiyasını, arxeologiyasını, ədəbiyyat və incəsənətini müfəssəl öyrənmək üçün dəyərli vəsaitdir. Kitab üç iri bölmədən ibarətdir: Qafqaz, İran və Türkiyə.
Qafqaz bölməsinə Azərbaycan, Gürcüstan, Ermənistan və hazırda Rusiya Federasiyasının subyektləri olan Dağıstan, İnquşetiya, Kabardin-Balkar, Şimali Osetiya, Çeçenistan, Krasnodar və Stavropol vilayətləri, Rostov vilayəti, Qaraçay-Çərkəz, Adıgey və başqaları daxil edilib.
AMEA-nın vitse-prezidenti İsa Həbibbəylinin rəyi əsasında hazırlanan, AMEA Mərkəzi Elmi Kitabxanasının direktoru Aybəniz Əliyeva-Kəngərlinin elmi rerdaktorluğu, Gülarə Xələfovanın və Nigar Babayevanın tərtibçiliyi ilə işıq üzü görən göstəricidə tarix, coğrafiya, etnoqrafiya, arxeologiya, kənd təsərrüfatı, sənaye, dövlət idarəçiliyi, maarif, ədəbiyyat, incəsənət və biblioqrafiya bölmələri əhatə olunur. Biblioqrafik göstəricidən istifadəni asanlaşdırmaq məqsədi ilə sonda yardımçı aparat-adlar və müəlliflərin əlifba göstəricisi verilib.
Kitab qafqazşünas alimlər, habelə Azərbaycan, Gürcüstan və digər ölkələrin problemləri ilə məşğul olan tədqiqatçılar üçün böyük maraq doğurur. Həmçinin türkoloqlar üçün çox qiymətli materiallar da təqdim olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
