Daxili siyasət

Daxili siyasət

Yuri Merzlyakov: “Razılıq əldə olunub ki, danışıqlar prosesi “Madrid təklifləri” əsasında davam etdirilsin”

27 iyun 2008 16:12 (UTC +04:00)

APA-nın məlumatına görə, həmsədrlər Heydər Əliyev Hava Limanında jurnalistlərə açıqlama veriblər. Y. Merzlyakov Azərbaycanda prezident İlham Əliyev və xarici işlər naziri Elmar Məmmədyarovla maraqlı görüşlər keçirdiklərini bildirib. Prezidentlərin Sankt-Peterburq danışıqlarından 2 həftə keçdiyini xatırladan Y. Merzlyakov həmsədrlərin vaxt itirməməyə çalışdıqlarını deyib: “Razılıq əldə olunub ki, danışıqlar prosesi “Madrid təklifləri” əsasında davam etdirilsin. Bu barədə də söhbətlərimiz olub”. B. Fasie isə açıqlamasında həmsədrlərin regiona yeni təkliflərlə gəlmədiyini bildirib: “Hər iki tərəfin Sankt-Peterburqda dediklərini etmək üçün kifayət qədər işimiz var. Çalışır ki, “Madrid təklifləri”nin bəzi müddəalarını aydınlaşdıraq, bəzilərinə əlavələr edək, bəzilərini isə yaxşılaşdıraq. Prezidentlər Sankt-Peterburq görüşünü konstruktiv və pozitiv qiymətləndirilib, optimist olduqlarını bildiriblər. Biz də bundan çıxış edərək Azərbaycanda keçirdiyimiz görüşlərin konstruktiv və pozitiv olduğunu deyə bilərik, amma qarşıda görüləcək çox iş var”. B. Fasie Azərbaycanda Ordu Günündə keçirilən hərbi paradı yüksək qiymətləndirib. M. Brayza isə əhval-ruhiyyənin yaxşı olduğunu deyib, İrəvanda da vəziyyətin belə olacağına ümid etdiyini bildirib: “Buradan İrəvana, oradan isə Xankəndinə gedəcəyik. Ancaq əsas İrəvanda “Madrid təklifləri”nə münasibət öyrənməkdir. Bu səfər əvvəlkilərdən heç nə ilə fərqlənmir. Sadəcə, prezidentlərin Sankt-Peterburq görüşündən sonra ilk dəfədir, regiona gəlirik. Prezidentlər bir-biri ilə ünsiyyətdə olmalıdırlar. Bundan əvvəl isə xarici işlər nazirləri görüşüb, bəzi məsələləri həll etməlidirlər”.

ATƏT_həmsədrlər_Azərbaycan