Daxili siyasət

Ana səhifə

Daxili siyasət

Əli Hüseynov: “ABŞ İraqda neft gəlirlərinə nail olub, indi Əfqanıstanda narkotiklərə və narkotrafikə nəzarət etmək istəyir”

16 mart 2010 16:06 (UTC +04:00)

APA-nın xəbərinə görə, buna cavab olaraq spiker Oqtay Əsədov isə bildirib ki, Azərbaycan prezidentinin fəaliyyətini və siyasətini xalq dəstəkləyir: “Sizin dedikləriniz həqiqəti əks etdirmir. Mən fikir verdim, Pənah Hüseyn danışandan sonra “Waşinqton Post”un burada oturan “nümayəndəsi” çıxıb getdi. Bu aydındır. İlham Əliyev öz siyasətini sağa-sola baxmadan həyata keçirir”.

Deputat İsa Həbibbəyli deyib ki, xarici mətbuatda yazılanlar Azərbaycana təzyiq xarakteri daşıyır: “Onlar unutmamalıdırlar ki, xalq prezidentin siyasətini yüksək qiymətləndirir və dəstəkləyir”.

Millət vəkili Mübariz Qurbanlı hansısa mətbuatda yazılanlara fikir verməməyi məsləhət görüb.

MM üzvü Əli Hüseynov isə deyib ki, korrupsiya ilə bağlı hər hansı bir insanı ittiham etmək üçün gərək adamın mənəvi haqqı olsun: “Bu sözləri Milli Məclisdə səsləndirənlərin özlərinin adı vaxtı ilə korrupsiyada ittiham olunub. Onların hökuməti korrupsioner olub. Hər kəsin konstitusion mülkiyyət hüququ var. Bütün dünyada belədir. Parlamentarilər, hökumət üzləri, Avropada da, MDB məkanında da mülkiyyət sahibidirlər. Sadəcə, bu məsələlər tənzimlənməlidir. “Maraqlar toqquşması haqqında” qanun qəbul olunmalı və burada o çərçivə müəyyən edilməlidir. Bu qanunun qəbulu faydalıdır, bu bütün dünyada belədir. “Waşinqton Post” qəzetində Azərbaycan prezidenti ilə bağlı əsassız ittihamlara gəlincə, vaxtı ilə Barak Obama seçkiqabağı platformasında bəyan etmişdi ki, bundan sonra ABŞ-ın İraqla bağlı xarici siyasətinin prioriteti dəyişəcək. Yəni daha çox prioritet Əfqanıstan seçiləcək. O zaman bir sıra analitiklər belə qeyd edirdilər ki, ABŞ İraqda neft gəlirlərinə nail olub, indi Əfqanıstanda narkotiklərə və narkotrafikə nəzarət etmək istəyir. Biz ki, bu məsələlərə ciddi reaksiya vermirik”.

Deputat Qüdrət Həsənquliyev də ABŞ-ın Azərbaycana qarşı təzyiq siyasəti həyata keçirdiyini deyib. Onun sözlərinə görə, bu ölkənin uzun müddətdən bəri Azərbaycana səfir təyin etməməsi bunun bir formasıdır: “Qarabağı Azərbaycandan almaq istəyirlər” .

Deputat İqbal Ağazadə də Qarabağla bağlı təhlükənin yarandığını diqqətə çatdırıb: “Madrid prinsiplərinin mahiyyəti Qarabağın itirilməsidir. Bu prinsiplərdə Qarabağda referendum keçirilməsi nəzərdə tutulur. Münaqişə başlayan vaxt isə əhalinin demoqrafik vəziyyəti bizim xeyrimizə olmayıb. Azərbaycana müxtəlif yollarla təzyiq edənlərin maraqları var. Artıq toparlanmaq vaxtıdır. Xalq kimi birləşməli və məsələni bir yerdə həll etməliyik” .