Daxili siyasət

Ana səhifə

Daxili siyasət

Qazaxda millət vəkili Qənirə Paşayevanın təşəbbüsü ilə çəkilmiş “Soyqırım” filminin təqdimatı keçirilib

31 mart 2010 16:43 (UTC +04:00)

APA-nın Qərb bürosunun verdiyi məlumata görə, tədbirdə millət vəkili Qənirə Paşayeva ilə birgə “Şərq” qəzetinin redaktoru, kitabın həmmüəllifi Akif Aşırlı və “Soyqırım” filminin rejissoru və ssenari müəllifi Etibar Məmmədov iştirak edib. Hərbi hissədə ilk öncə 1918-1920-ci illərdə erməni vandallarının Bakıda və Qubada, o cümlədən digər bölgələrdə törətdikləri soyqırımdan bəhs edən “Soyqırım” filmi nümayiş etdirilib. Filmin nümayişindən sonra millət vəkili Qənirə Paşayeva əsgərlərə Akif Aşırlı ilə birgə yazdığı “Ermənilərin törətdiyi söyqırımın qurbanı-Boğanis Ayrım” kitabını təqdim edib və hərbi hissəyə filmin diskləri ilə birgə xeyli sayda kitab hədiyyə edib.

Millət vəkili çıxışı zamanı hər bir azərbaycanlının tariximizi öyrənməli olduğunu vurğulayıb: “Çünki bizi uzun müddət Sovet hakimiyyəti illərində öz tariximizdən uzaq salıblar. Biz tariximizi oxuyub öyrənərək öz dostumuzu və düşmənimizi tanımalıyıq. Əgər biz tarixi keçmişimizi öyrənməsək, ermənilər keçmişdə törədiyi soyqırımları gələcəkdə yenidən təkrar edəcəklər. Necə ki 20-ci əsrin əvvəllərində ermənilərin törədiyi soyqırımlar cavabsız qaldı və onlar yenidən 20-ci əsrin sonunda soyqırımlar törətdilər. Öz tarixindən ayrı düşən bir millət bir nəsil keçdikdən sonra kütləyə çevrilir”.

Əsgərlərlə görüşdən sonra millət vəkili Qazax rayon icra hakimiyyətində rayon ictimaiyyətinin nümayəndələri ilə görüşüb. Görüşdə iştirakçılara “Soyqırım” filmi və “Ermənilərin törətdiyi söyqırımın qurbanı- Bağanis Ayrım” kitabı barədə məlumat verilib, ermənilərin 1918-1920-ci illərdə Azərbaycan əhalisinə qarşı törətdiyi soyqırımlardan, vəhşiliklərdən danışılıb.