Daxili siyasət

Ana səhifə

Daxili siyasət

Azərbaycanın hakim partiyası uydurma “erməni soyqırımı”na həsr olunmuş “Əsrin saxtakarlığı” adlı dəyirmi masa keçirib - FOTO

Azərbaycanın hakim partiyası uydurma “erməni soyqırımı”na həsr olunmuş “Əsrin saxtakarlığı” adlı dəyirmi masa keçirib - <font color=red>FOTO</font>

24 aprel 2010 10:55 (UTC +04:00)

APA-nın məlumatına görə, tədbirdə YAP rəhbərliyi, millət vəkilləri, siyasi partiyaların sədrləri, tarixçilər iştirak edib.

YAP sədrinin müavini Əli Əhmədov bildirib ki, Türkiyə ilə Azərbaycan uzun illərdir erməni saxtakarlığının hədəfinə çevrilib: “Bu, təkcə ermənilərin apardığı təbliğatın nəticəsi deyil. Yaşadığımız bölgədə marağı olan qüvvələr də bu saxtakarlığı dəstəkləyir, qəbul edir. Bəzi dövlətlər bu soyqırım oyununda iştirak edirlər”.

Azərbaycan Milli Elmlər Akademiyasının Tarix İnstitutunun direktoru Yaqub Mahmudov “erməni soyqırımı” iddiasının tamamilə uydurma olduğunu söyləyib. Tarixçi alim deyib ki, ermənilər 1915-ci ildə Osmanlı İmperiyasının bir hissəsindən digər hissəsinə köçürülmələrini soyqırımı kimi təqdim etməklə öz maraqlarını həyata keçirməyə çalışırlar: “Erməni soyqırımının baş verməsi faktı tarix elmində sübut olunmayıb. Əslində soyqırımı zaman-zaman ermənilər azərbaycanlılara qarşı həyata keçiriblər və bunu sübut edən kifayət qədər materiallar var”.

Vətəndaş Həmrəyliyi Partiyasının sədri Sabir Rüstəmxanlı bəyan edib ki, indiki məqamda Türkiyə və Azərbaycan bir addım da geri çəkilə bilməz. Çünki bu halda ermənilər və onları dəstəkləyənlər daha bir addım irəli gələcəklər.

Ədalət Partiyasının sədri İlyas İsmayılov, millət vəkilləri Vahid Əhmədov, Bəxtiyar Əliyev, Fəzail Ağamalı, Arif Rəhimzadə, Asim Mollazadə də saxta “erməni soyqırımı” ilə bağlı aparılan təbliğatın qarşısının alınması üçün Türkiyə ilə Azərbaycanın birgə addımlar atmasını vacib sayıblar.

Milli Məclisin sədr müavini Bahar Muradova isə bildirib ki, Azərbaycan Avropa dövlətləri ilə yanaşı, şərq ölkələri ilə də əməkdaşlığını genişləndirməlidir və saxta erməni kampaniyasının qarşısının alınması üçün beynəlxalq konfranslar keçirilməlidir.

erməni_soyqırım