Daxili siyasət

Ana səhifə

Daxili siyasət

“Heydər Əliyev və inkişafın Azərbaycan modeli” mövzusunda konfrans keçirilib - FOTO

“Heydər Əliyev və inkişafın Azərbaycan modeli” mövzusunda konfrans keçirilib - <font color=red>FOTO</font>

08 may 2010 10:43 (UTC +04:00)

Bakı. Elnur Məmmədli - APA. Yeni Azərbaycan Partiyası (YAP) Heydər Əliyevin anadan olmasının 87-ci ildönümünə həsr olunmuş “Heydər Əliyev və inkişafın Azərbaycan modeli” mövzusunda konfrans keçirib. APA-nın məlumatına görə, Gülüstan Sarayında keçirilən konfransdan əvvəl Heydər Əliyevin məzarı ziyarət olunub. Konfransa dövlət və hökumət üzvləri, millət vəkilləri, siyasi partiyaların rəhbərləri qatılıb.

YAP sədrinin müavini Əli Əhmədov çıxışında bildirib ki, Azərbaycan Heydər Əliyevin ideyaları əsasında qərar tutub və inkişaf edir. O, Azərbaycanın bugünkü inkişaf modelinin Heydər Əliyevin müəyyən etdiyi siyasətə əsaslandığını və möhkəm dayaqlar üzərində qurulduğunu qeyd edib.

YAP İdarə Heyətinin üzvü, təhsil naziri Misir Mərdanov ölkədə son illər həyata keçirilən təhsil siyasəti barədə danışıb. Nazir bildirib ki, son 2 ildə ölkədə 28 uşaq bağçası tikilib, 31 məktəbəqədər müəssisə əsaslı təmir edilib. O bu tədbirlər nəticəsində bağçaya gedənlərin sayının 10 min nəfər artdığını vurğulayıb: «Son illərdə ölkədəki şagirdlərin 75 faizinin təhsil şəraiti yaxşılaşdırılıb». M. Mərdanov bildirib ki, hazırda hər 20 şagirdə bir kompüter düşür: ““Bir şagirdə bir kompüter” layihəsinin reallaşdırılması üçün bu ilin sonuna kimi 4 min şagirdə, “Xalq kompüteri” çərçivəsində isə 5 min müəllimə noutbuk verilməsi nəzərdə tutulub».

Milli Məclisin komitə sədri Arif Rəhimzadə çıxışında ölkədə həyata keçirilən aqrar siyasət, Elm və Təhsil Komitəsinin sədri Şəmsəddin Hacıyev elm, Dövlət Sosial Müdafiə Fondunun sədri Səlim Müslümov isə sosial sahədəki inkişaf barədə danışıblar.

Konfransın plenar iclasından sonra “Heydər Əliyev yolu - milli inkişaf strategiyası”, “İnkişafın Azərbaycan modeli: başlıca xüsusiyyətlər və meyllər” və “Azərbaycan yeni mərhələdə: uğurlu nəticələr və perspektivlər” mövzusunda bölmə iclasları keçiriləcək.

Heydər_Əliyev