Daxili siyasət

Ana səhifə

Daxili siyasət

Marneulidə və Tiflisdə Heydər Əliyevin doğum günü ilə bağlı tədbirlər keçirilib - FOTOSESSİYA

Marneulidə və Tiflisdə Heydər Əliyevin doğum günü ilə bağlı tədbirlər keçirilib - <font color=red>FOTOSESSİYA</font>

10 may 2010 07:41 (UTC +04:00)

Marneuli-Tiflis. Nizami Məmmədzadə - APA. Gürcüstanın Marneuli və Tiflis şəhərlərində Heydər Əliyevin anadan olmasının 87-ci ildönümü münasibəti ilə tədbirlər keçirilib.

APA-nın Gürcüstan bürosunun məlumatına görə, Azərbaycanlıların Mədəniyyət Mərkəzində (AMM) keçirilən tədbiri AMM-in rəhbəri Fazil Həsənov açaraq Heydər Əliyevin həyat və fəaliyyəti barədə ətraflı məlumat verib.

Tədbirdə Kvemo-Kartli bölgə qubernatorunun müavini Hüseyn Yusifov, AMM-in Təhsil şöbəsinin müdiri Mikayıl Mustafayev, ziyalılardan Həsən Əzizov, “Region press” qəzetinin əməkdaşı Əlixan Yəhyaoğlu, gənclərdən Kəmalə Axundova, Elmira Yusifova və Lamiyə Piriyeva çıxış edərək, Heydər Əliyevin Gürcüstan azərbaycanlıları tərəfindən sevildiyini, bu ölməz şəxsiyyətin onların sosial həyat tərzinin yaxşılaşmasında böyük və məqsədyönlü işlər həyata keçirdiyini vurğulayıblar. Tədbirdə 8 saylı orta məktəbin ikinci sinif şagirdləri Heydər Əliyevə həsr edilmiş şeirlər oxuyublar. AMM-in foyesində isə bədii ədəbiyyat, plakatlar və Heydər Əliyevin fəaliyyətini əks etdirən fotoların sərgisi təşkil olunub.

Daha bir tədbir isə Heydər Əliyevin Tiflisdəki büstü önündə həyata keçirilib. AMM-in mətbuat katibi Nərgiz Əliyeva APA-ya bildirib ki, tədbirə Milli Məclisin Azərbaycan-Gürcüstan dostluq qrupunun rəhbəri, millət vəkili Qənirə Paşayeva və digər qonaqlar qatılıblar. Qənirə Paşayeva çıxışında Azərbaycan və gürcü xalqlarının dostluğundan və bu dostluğu inkişafında Heydər Əliyevin xidmətlərindən söz açıb.

Tədbirdə ARDNŞ-in Gürcüstan nümayəndəliyindən Arif Əliyev, Gürcüstan parlamentinin deputatı Azər Süleymanov da çıxış ediblər.