Daxili siyasət

Ana səhifə

Daxili siyasət

Milli Məclis Şaittin Əliyevi MSK üzvlüyünə təsdiqləyib

08 iyun 2010 10:37 (UTC +04:00)

APA-nın xəbərinə görə, məsələ haqqında parlament sədrinin birinci müavini Ziyafət Əsgərov məlumat verib. O bildirib ki, Milli Məclisə Yeni Azərbaycan Partiyasının Şaittin Əliyevin MSK üzvü kimi təsdiqlənməsi ilə bağlı məktubu daxil olub. Məsələ müzakirəsiz təsdiqlənib.

İclasda həmçinin Azərbaycanla Böyük Liviya arasında diplomatik, xidməti və xüsusi pasportlara malik şəxslərin viza tələbindən azad olunması haqqında Anlaşma Memorandumu təsdiq edilib. Bundan başqa, deputatlar “Asiyada Qarşılıqlı Əlaqəyə və Etimadyaratma Tədbirlərinə dair Konfransın katibliyinin Nizamnaməsində dəyişiklik edilməsi ilə bağlı Protokolun təsdiq edilməsi haqqında” qanun layihəsinə də müsbət münasibət bildiriblər. Millət vəkilləri Azərbaycan və Estoniya prezidentlərinin birgə Bəyannaməsinin təsdiq edilməsi, Azərbaycanla Estoniya arasında diplomatik pasporta malik şəxslər üçün viza tələbinin ləğvi, Azərbaycanla Estoniya arasında sərmayələrin təşviqi və qarşılıqlı qorunması haqqında sazişin təsdiqlənməsi ilə bağlı sənədlərə də səs veriblər.

Bundan sonra Azərbaycanla Yunanıstan arasında təbii fəlakətlərin və texnogen qəzaların qarşısının alınması və nəticələrinin aradan qaldırılması sahəsində əməkdaşlıq və qarşılıqlı yardım haqqında sazişin, Azərbaycanla Birləşmiş Millətlər Təşkilatının İnkişaf Proqramı arasında yardım xidmətlərinin göstərilməsinə dair Anlaşma Məktubunun təsdiq edilməsi haqqında qanun layihələri təsdiqlənib.

Deputatlar İnzibati Prosessual Məcəllənin təsdiq edilməsi haqqında qanuna dəyişiklik barədə layihəni də qəbul ediblər. Deputat Əli Hüseynov bildirib ki, sənədə təklif edilən dəyişikliyin mahiyyəti onun 2011-ci ilin yanvarından qüvvəyə minməsi ilə əlaqədardır: “Yəni bu sənəd indi deyil, 2011-ci ildə qüvvəyə minəcək. Bu da inzibati məhkəmələrin yaradılması ilə bağlıdr” .

MSK_Seçki