Daxili siyasət

Ana səhifə

Daxili siyasət

Penitensiar Xidmətin rəisi Nazim Ələkbərov Narkotiklərə Nəzarət üzrə Beynəlxalq Komitənin birinci vitse-prezidentini qəbul edib - FOTOSESSİYA

Penitensiar Xidmətin rəisi Nazim Ələkbərov Narkotiklərə Nəzarət üzrə Beynəlxalq Komitənin birinci vitse-prezidentini qəbul edib - <font color=red>FOTOSESSİYA</font>

06 iyul 2010 16:11 (UTC +04:00)

Bakı-APA. Ədliyyə nazirinin müavini, Penitensiar Xidmətin rəisi, ədliyyə general-leytenantı Nazim Ələkbərov Azərbaycanda rəsmi səfərdə olan Narkotiklərə Nəzarət üzrə Beynəlxalq Komitənin (BMTCİ) birinci vitse-prezidenti xanım Karola Lander və Narkotiklərə Nəzarət üzrə Beynəlxalq Şuranın (İNCB) əməkdaşı Darmen Zhumadili qəbul edib. Penitensiar Xidmətdən APA-ya verilən məlumata görə, Nazim Ələkbərov qonaqları salamlayaraq, onlara narkotik vasitələrin qanunsuz dövriyyəsinə görə məhkum edilmiş və penitensiar xidmətin tabe qurumlarında cəzalarını çəkən şəxslərin sayı, saxlanma şəraiti, onlara təyin edilmiş narkomaniyadan məcburi müalicə kurslarının həyata keçirilməsi və penitensiar müəssisələrdə narkotik vasitələrin qanunsuz dövriyyəsinə qarşı aparılan mübarizə barədə müfəssəl məlumat verib. N. Ələkbərov narkotik vasitələrin qanunsuz dövriyyəsi ilə bağlı Azərbaycanın cinayət qanunvericiliyinin müddəalarından bəhs edərək qonşu dövlətlərdən narklotiklərin ölkəmizin ərazisindən keçirilməsi cəhdlərinin üstrünlük təşkil etdiyini, Ermənistan tərəfindən işğal olunmuş və hətta beynəlxalq təşkilatların da nəzarətindən kənarda qalmış Azərbaycan torpaqlarında narkotik maddələrin istehsalı üçün münbit şərait olduğunu qeyd edib.

BMTNCİ-nin birinci vitse-prezidenti xanım Karola Lander təmsil etdiyi komitənin fəaliyyətinin əsas məqsədlərinin 195 ölkənin qoşulmuş olduğu Narkotiklərə Nəzarət üzrə 1961-ci il konvensiyanın tələblərinə əməl edilməsinə müvafiq çatışmazlıqların aradan qaldırılmasında üzv dövlətlərin hökumətlərinə köməklik göstərilməsindən və bu sahədə maarifləndirmə işinin həyata keçirilməsindən ibarət olduğunu bildirib. Xanım K. Lander və D. Zhumadil mövcud vəziyyətlə tanış olduqdan sonra müvafiq nəticələrə əsaslanan texniki və hüquqi yardımla bağlı tövsiyyələrin Azərbaycan tərəfinə təqdim olunacağı barədə məlumat veriblər.

Görüş zamanı qonaqları maraqlandırılan suallar cavablandırılıb, fikir mübadiləsi aparılıb.
Tədbirdə Ədliyyə Nazirliyinin Tibb Baş İdarəsinin rəisi Rafael Mehdiyev, Elmi-Tədqiqat, Məhkəmə Ekspertizası, Kriminalistika və Kriminologiya Problemləri İnstitutunun direktoru, Azərbaycan Respublikasının Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının işçi qrupunun rəhbəri Araz Əliquluyev, habelə Penitensiar Xidmətin məsul əməkdaşları iştirak ediblər.