Daxili siyasət

Ana səhifə

Daxili siyasət

Adnan Novruzov AMİP Mərkəzi Şurasının sədri, Arzuxan Əlizadə partiyanın baş katibi seçilib

12 iyul 2010 14:30 (UTC +04:00)

Bakı-APA. AMİP-in X Qurultayından sonra yeni tərkibdə formalaşan Mərkəzi Şurasının ilk iclası keçirilib. Partiyanın mətbuat xidmətindən APA-ya verilən məlumata görə, iclasda təşkilatı məsələlərə baxılıb, ölkə üçün vacib olan problemlərə, o cümlədən, seçkiöncəsi vəziyyətə diqqət yetirilib və partiyanın növbəti mərhələdə atacağı addımlar ətrafında geniş müzakirələr aparılıb.

Nizamnaməyə uyğun olaraq AMİP Mərkəzi Şurasında Baş katib postuna Arzuxan Əlizadə, partiyanın Mərkəzi Şura sədrliyinə Adnan Novruzov, sədr müavini vəzifəsinə isə İradə Adıgözəlova seçiliblər.

Əli Ələkbərov, Fuad Muxtarov, Aydın Əliyev, Məhərrəm Həsənov, Rauf Mirqədirov, Aminə Vəliyeva, Ceyran Ənsər və Sadiq Həmzəyev Siyasi Şuraya üzv seçiliblər. Siyasi Şuraya iki yer vakant saxlanılıb.

Eyni zamanda AMİP Katiblərinin təyinatı həyata keçirilib. Baş Katib Arzuxan Əlizadənin sərəncamı ilə Nazim Ələsgərov təşkilat katibi, Əli Orucov mətbuat və təbliğat katibi, Rəşad Bayramov seçki və bələdiyyələrlə iş üzrə katib, Elşən Mustafayev beynəlxalq əlaqələr üzrə katib, Vaqif Məmmədov isə maliyyə məsələləri üzrə katib postlarına təyin olunublar.