Daxili siyasət

Ana səhifə

Daxili siyasət

Liberal Partiyası ilə Vətəndaş və İnkişaf Partiyası AXCP-yə “Azadlıq” blokunu tərk etməyi məsləhət görürlər

13 iyul 2010 10:33 (UTC +04:00)

İndi onların o qədər sıx birləşməsini istəyirik ki, bir daha parçalanmasınlar”. Bunu APA-ya açıqlamasında Azərbaycan Liberal Partiyasının (ALP) sədr vəzi Əvəz Temirxan deyib. AXCP-nin Müsavat Partiyası ilə seçki bloku yaratmaq üçün danışıqlara başlamaq qərarına münasibət bildirən Ə. Temirxanın fikrincə, belə bir qərardan sonra AXCP “Azadlıq” blokunda qala bilməz: “AXCP Müsavatla seçki bloku yaradırsa, o zaman onun “Azadlıq” blokunda qalması mümkün olmayacaq. Biz seçkidə müstəqil və öz müttəfiqlərimizlə birgə iştirak edəcəyik. Bundan sonra blokun mahiyyəti də başqa olacaq və burada ALP və VİP qalacaq. Ola bilsin ki, başqa partiyalarla da danışıqlar aparılsın və onlar bloka daxil edilsinlər. Biz heç kimlə zorla müttəfiq olmaq istəmirik. AXCP-nin istədiyi partiya ilə əməkdaşlıq etməsi üçün istədiyi şəraiti yaratmağa hazırıq. Əgər onların niyyəti Müsavatla birgə seçki bloku yaratmaqdırsa, buyursunlar. Bizim tərəfdən heç bir maneçilik yoxdur”.

Vətəndaş və İnkişaf Partiyasının (VİP) sədr müavini Büllur Hümbətov isə xatırladıb ki, bu vaxta qədər mətbuatda AXCP-Müsavat birliyi ilə bağlı məlumat yayılanda AXCP rəhbərliyi bunu təkzib edirdi: “Bildirirdilər ki, “Azadlıq” blokunda daha iki partiya var və guya bu iki partiyanın da mövqeyini nəzərə almaq istəyirlər. Amma bu gün AXCP-nin belə bir qərarı təəssüf doğurur. Bu qərar bir həftədir qəbul edilib, amma bununla bağlı “Azadlıq” blokunda ALP və VİP-ə heç bir məlumat verilməyib”. B. Hümbətov əlavə edib ki, son vaxtlar blok daxilində və keçirilən etiraz aksiyalarında AXCP sanki yalnız özünün varlığını nümayiş etdirir, blokdakı iki partiyanın isə mövcud olmadığı görüntüsünü yaradırdı: “Biz də onların bu yanaşmasını qəbul etmədik. Blok bundan sonra da öz fəaliyyətini davam etdirəcək, ALP və VİP-in mövqelərində heç bir fərqlilik yoxdur, fikir birliyi var. AXCP belə bir qərar qəbul etməklə özünü blokdan kənarda qoyub. Əslində Müsavat Partiyasının uzun müddət blokdakı ALP və VİP-ə qarşı hücumları da bu günə hesablanmış məsələlər idi”.

Qeyd edək ki, AXCP-nin qərarı ilə bağlı ALP lideri Lalə Şövkət və VİP sədri Əli Əliyevin birgə bəyanatla çıxış edəcəyi gözlənilir.

AXCP_Müsavat