Daxili siyasət

Ana səhifə

Daxili siyasət

Qarabağ İctimai Forumunun növbəti toplantısı keçirilib - FOTO

Qarabağ İctimai Forumunun növbəti toplantısı keçirilib - <font color=red> FOTO</font>

15 iyul 2010 15:34 (UTC +04:00)

Bakı-APA. Bu gün Qarabağ İctimai Forumunun (QİF) növbəti toplantısı keçirilib. Forumun informasiya departamentindən APA-ya verilən məlumata görə, Beynəlxalq Avrasiya Mətbuat Fondunun sədri, QİF-in rəhbəri Umud Rəhimoğlunun rəhbərliyi ilə keçirilən toplantıda geniş müzakirədən sonra Forumun yarım illik fəaliyyət planı qəbul edilib. Fəaliyyət planında beynəlxalq media qurumları, informasiya agentlikləri, elektron və internet KİV-lərlə işin səmərəli təşkili üçün işçi qrupunun yaradılması, QİF-in fəaliyyətinin ümumi prioritetlərini müəyyənləşdirmək məqsədilə müvafiq hökumət və qeyri-hökumət təşkilatlarının nümayəndələrinin iştirakı ilə görüşün keçirilməsi nəzərdə tutulub. Forumun saytının və Qarabağın işğalına həsr olunmuş portalın müxtəlif dillərdə yaradılması, paytaxtda və regionlarda beynəlxalq və yerli qurumların iştirakı ilə müxtəlif tədbirlərin təşkili, problemin həllində təbliğat işlərinin təkmil forma və metodlarının müəyyən edilməsində ictimai rəyin öyrənilməsi üçün rəy sorğusunun keçirilməsi də görüləcək işlər sırasındadır. Forum iştirakçılarının təşəbbüsü ilə respublikada fəaliyyət göstərən televiziya kanallarının birində “Xankəndi” adlı veriliş hazırlanması və müntəzəm yayımlanması qərara alınıb.

Toplantıda millət vəkili, tarixçi alim Cəmil Həsənli, millət vəkili, “Lider qadınlar” İctimai Birliyinin sədri Məlahət İbrahimli, Milli QHT Forumunun prezidenti Rauf Zeyni, “İnam” Plüralizm Mərkəzinin rəhbəri Vahid Qazi, Milli İnternet Forumunun rəhbəri Osman Gündüz, Vətəndaş Cəmiyyəti Uğrunda” Müstəqil Məsləhət və Yardım Mərkəzinin rəhbəri Eldar İsmayılov, “Qarabağ qaziləri” Birliyinin sədri Etimad Əsədov iştirak ediblər.