Daxili siyasət

Ana səhifə

Daxili siyasət

Azərbaycan Baş Prokurorluğunda geniş əməliyyat müşavirəsi keçirilib

06 avqust 2010 19:25 (UTC +04:00)

Bu barədə APA-ya Baş Prokurorluğun mətbuat xidmətindən bildirilib.

Müşavirədə məruzə ilə çıxış edən baş prokuror Zakir Qaralov deyib ki, qlobal iqtisadi böhranın davam etdiyi və bu amilin dünya iqtisadiyyatına əhəmiyyətli dərəcədə təsir göstərdiyi şəraitdə, yeni müstəvidə hərtərəfli inkişaf mərhələsinə daxil olan Azərbaycanda 2010-cu ilin birinci yarısında da əhəmiyyətli sosial-iqtisadi inkişaf təmin edilib, islahatlar və yeniləşmə proseslərinin daha da dərinləşdirilməsi, hüquqi və demokratik dövlət quruculuğu və vətəndaş cəmiyyətinin formalaşdırılması, xalqın yaşayış səviyyəsinin daha da yüksəldilməsi istiqamətində mühüm addımlar atılıb.

Z. Qaralov qeyd edib ki, 2010-cu ilin birinci yarım ilində Azərbaycanın prokurorluq orqanları tərəfindən digər hüquq mühafizə, məhkəmə və ədliyyə orqanları ilə qarşılıqlı əlaqədə ölkədə ictimai-siyasi sabitliyin və əmin-amanlığın, dövlət müstəqilliyinin qorunması, cinayətkarlığa, o cümlədən mütəşəkkil cinayətkarlığın təhlükəli təzahürlərinə qarşı mübarizənin daha da gücləndirilməsi, vətəndaşların hüquq və azadlıqlarının etibarlı müdafiəsinin təmin edilməsi, “Prokurorluq haqqında” Qanunda nəzərdə tutulmuş fəaliyyət istiqamətləri üzrə işin səmərəliliyinin artırılması üçün genişmiqyaslı işlər görülüb. Prokurorluqda aparılan islahatların yeni məzmunda davam etdirildiyini qeyd edən Z. Qaralov mövcud olan çatışmazlıqların təxirə salınmadan aradan qaldırılması istiqamətində bir sıra məqsədyönlü tədbirlərin həyata keçirilməsinin təmin edildiyini deyib.