Daxili siyasət

Ana səhifə

Daxili siyasət

ADP Rusiya qoşunlarının Cənubi Qafqazdan çıxarılmasını vacib sayır

09 avqust 2010 12:58 (UTC +04:00)

Bakı. Pərvin Abbasov – APA. Azərbaycan Demokrat Partiyası (ADP) İdarə Heyətinin növbəti toplantısı keçirilib. Partiyanın mətbuat xidmətindən APA-ya verilən məlumata görə, toplantıda ölkə və beynəlxalq aləmdə baş verən ictimai-siyasi proseslər və seçkiqabağı şərait əsas müzakirə obyekti olub.

ABŞ Senatının maliyyə komitəsinin Azərbaycan və Ermənistana humanitar yardım məqsədilə bu ilə nəzərdə tutulan ayırmalarına diqqət çəkən toplantı iştirakçıları Dağlıq Qarabağ separatçı rejiminin bu ayırmalardan kənarda saxlanmasını təqdir etsə də, işğalçı Ermənistana Azərbaycandan daha çox yardım ayrılmasını pisləyiblər.

Türkiyənin Bodrum şəhərində 4 türkdilli respublikanın xarici işlər nazirlərinin iştirakı ilə keçirilən qeyri-rəsmi sammitin nəticələrinə toxunan İdarə Heyəti üzvləri bu sammitdə türkdilli xalqların vahid birliyinin yaradılmasının vacibliyi mövzusunda edilən çağırışları təqdir edib.

İdarə Heyəti yeni anlaşmalara görə Rusiya qoşunlarının Ermənistanda daha 49 il qalması faktının reallaşmasından narahat olduğunu bildirib. Eyni zamanda Rusiya qoşunlarının Ermənistan ərazisindən çıxarılmadığı təqdirdə Dağlıq Qarabağ münaqişəsinin həll edilməsi və ümumiyyətlə, Cənubi Qafqazda uzunmüddətli sülhün bərqərar olmasının mümkünsüzlüyü də vurğulanıb.

ADP_Sərdar