Daxili siyasət

Ana səhifə

Daxili siyasət

Azərbaycan prezidenti Hacıqabulda daşqından zərər çəkənlərə yeni tikilmiş evlərin mənzillərin orderlərini və açarlarını təqdim edib - YENİLƏNİB

Azərbaycan prezidenti Hacıqabulda daşqından zərər çəkənlərə yeni tikilmiş evlərin mənzillərin orderlərini və açarlarını təqdim edib - <font color=red>YENİLƏNİB</font>

07 sentyabr 2010 14:03 (UTC +04:00)

Dövlət başçısı yeni tikilən 22 evin orderini və açarını sakinlərə təqdim edib.

Prezident İ. Əliyev kənd sakini Mərhəmət Yaqubovun mənzilində olub, burada yaradılan şəraitlə maraqlanıb. Dövlət başçısının tapşırıqlarına uyğun olaraq yeni evlər bütün zəruri avadanlıqla təchiz edilib.

Məlumat verilib ki, Kür çayının məcrasından çıxması nəticəsində Hacıqabul rayonunun Meyniman kəndində 35 ev tamamilə uçub, 64 ev qəzalı vəziyyətə düşüb. Uçmuş evlərin yerində 22 ev tikilib. Bu evlərdə zəruri infrastrukturun yaradılması, həyətyanı sahələrin normal vəziyyətə gətirilməsinə xüsusi diqqət yetirilib. Müasir üslubda tikilən evlərdən 15-i ikiotaqlı, 3-ü üçotaqlı, 4-ü isə dördotaqlıdır. Dağılmış evlərin ümumi sahəsi 1539 kvadratmetr olduğu halda, yeni evlərin ümumi sahəsi 2150 kvadratmetrə bərabərdir. Hazırda kənddə yeni evlərin inşası davam edir. Bununla yanaşı, kənddəki 21 evdə bərpa-gücləndirmə işləri aparılır. 43 evdə cari təmir işləri aparılması üçün ziyan çəkmiş sakinlərdən 110 nəfərinə 109 min manatdan çox yardım verilib. Həmçinin daşqın nəticəsində Meyniman kəndinin dağılmış infrastrukturunun yenidən qurulması istiqamətində də iş gedir. Kəndə yeni yol çəkilir.

Prezident İ. Əliyev mənzillərin orderlərini və açarlarını sahiblərinə təqdim edib.

Kənd sakinləri onlara göstərilən diqqət və qayğıya görə dövlət başçısına minnətdarlıq ediblər.

Əliyev_Hacıqabul