Daxili siyasət

Ana səhifə

Daxili siyasət

Milli Məclisin Regional məsələlər komitəsinə 5 qanun layihəsi təqdim edilib

14 sentyabr 2010 10:28 (UTC +04:00)

Bakı. Rəşad Süleymanov – APA. Milli Məclisin Regional məsələlər komitəsinin iclası keçirilib. APA-nın məlumatına görə, komitənin sədri Arif Rəhimzadə ötən sessiyada görülmüş işlər barədə hesabatla çıxış edib. A. Rəhimzadə bildirib ki, ötən sessiyada komitənin 8 iclası keçirilib və bu iclaslarda 12 məsələ, o cümlədən 9 qanun layihəsi müzakirə olunub. Komitənin üzvləri ötən dövr ərzində 316 tədbirdə iştirak edib.

Daha sonra parlamentin payız sessiyası çərçivəsində komitəyə təqdim olunmuş qanun layihələri barədə məlumat verilib. A. Rəhimzadə deyib ki, Milli Məclisin payız sessiyasında müzakirəyə çıxarılmaq üçün Regional məsələlər komitəsinə 5 qanun layihəsi təqdim olunub. Bunlar “Azərbaycan Respublikasının Hacıqabul rayonunun inzibati ərazi bölgüsündə qismən dəyişikliklər edilməsi haqqında”, “Azərbaycan Respublikasının Ağsu rayonunun inzibati ərazi bölgüsündə qismən dəyişikliklər edilməsi haqqında”, “Bələdiyyələrin əraziləri və torpaqları haqqında” qanuna əlavə edilmiş “Azərbaycan Respublikasında bələdiyyələrin siyahısı”nda dəyişiklik edilməsi barədə” iki qanun layihəsi, “Azərbaycan Respublikasının Dəvəçi rayonunun Şabran rayonu adlandırılması haqqında” Azərbaycan Respublikası Qanununun tətbiqi ilə əlaqədar Azərbaycan Respublikasının bəzi qanunvericilik aktlarına dəyişikliklər edilməsi barədə” qanun layihələridir.