Daxili siyasət

Ana səhifə

Daxili siyasət

Azərbaycanda bu ilin 9 ayında insan alveri ilə bağlı 63 fakt qeydə alınıb, 5 cinayətkar qrup zərərsizləşdirilib

08 oktyabr 2010 09:57 (UTC +04:00)

APA-nın xəbərinə görə, bu barədə Azərbaycanın İnsan alverinə qarşı Mübarizə üzrə Milli Koordinatoru, daxili işlər nazirinin müavini Vilayət Eyvazovun parlamentə təqdim etdiyi hesabatda bildirilib.

Məlumata görə, insan alveri ilə bağlı haqqında beynəlxalq axtarış elan edilən şəxslərdən 13 nəfər İnterpol xətti ilə tutularaq istintaq orqanlarına təhvil verilib. Hazırda 43 nəfərin axtarışı davam etdirilir. İnsan alveri qurbanı olan 32 nəfərdən 25-i sığınacaqlara yerləşdirilib və onlara yardım göstərilərək cəmiyyətə inteqrasiyaları təmin olunub. Onlardan azyaşlı 2 uşaq Təhsil Nazirliyi tərəfindən internata, 5 uşaq isə uşaq bağçasına yerləşdirilib. 27 nəfərə birdəfəlik müavinət və maddi yardım verilib. 6 nəfərə dəyən ziyan məhkəmə yolu ilə ödənilib.

Araşdırmalar göstərib ki, insan alveri qurbanlarının 23-ü Türkiyəyə, 4-ü Birləşmiş Ərəb Əmirliklərinə, 3-ü İrana aparılıb. Onlardan 3-ü orta ixtisas, 3-ü natamam orta, 19-u orta təhsilli, 9-u isə təhsilsizdir.

Hesabat dövründə ictimai mənəviyyata əleyhinə olan hüquqazidd əməllərlə bağlı 115, o cümlədən fahişəliyə cəlb etmə ilə bağlı 52, əxlaqsızlıq yuvaları saxlamaqla bağlı 63 cinayət faktı aşkarlanıb, 71 nəfər məsuliyyətə cəlb olunub.