Daxili siyasət

Ana səhifə

Daxili siyasət

Müsavat Partiyasından istefa verənlər ABŞ-ın Azərbaycandakı səfirliyində olublar - YENİLƏNİB

Müsavat Partiyasından istefa verənlər ABŞ-ın Azərbaycandakı səfirliyində olublar - <font color=red>YENİLƏNİB</font>

10 yanvar 2011 08:36 (UTC +04:00)

Bu barədə APA-ya Q. Hüseynli məlumat verib. O, diplomatik korpusun dəvəti ilə səfirliyin iki müşaviri ilə qısamüddətli görüş keçirdiklərini bildirib: “Partiyadan ayrılmağımızın səbəbləri barədə bir-iki sual verdilər, biz də cavablandırdıq”.

Adil Qeybulla isə APA-ya açıqlamasında səfirliyin siyasi məsələlər üzrə müşavirləri, xanım Bricet Buçet və xanım Ceyn Smitlə görüşdüklərini bildirib: “Onlar ümumiyyətlə Müsavat Partiyasında baş verənlərlə, həmçinin bizim istefa verməyimizin səbəbləri ilə maraqlandılar. Biz də bildirdik ki, istefa versək də, müsavatçılıq xəttində qalmışıq”.

Onlara başqa qurumlar, o cümlədən diplomatik korpuslar deyil, niyə məhz ABŞ səfirliyi tərəfindən dəvət gəlməsinin səbəbləri barədə suala isə A. Qeybulla belə cavab verib: “Biz bu dəvəti etika xatirinə qəbul etdik. Ancaq əmin olun ki, mənim üçün dövlətin mənafeyi hər zaman hər şeydən öndə olub. Yüz səfirlik də dəvət etsə, mənim birmənalı xəttim var”.

Günün ikinci yarısında isə daha iki keçmiş müsavatçı - Sülhəddin Əkbər və İbrahim İbrahimli ABŞ səfirliyində olacaqlar.

Xatırladaq ki, S. Əkbər və İ. İbrahimli 2010-cu il noyabr ayında, Q. Hüseynli və A. Qeybulla isə bu il yanvarın 4-də partiyadan istefa verib.

Müsavat