Daxili siyasət

Ana səhifə

Daxili siyasət

İctimai Palatanın üzvləri Məhəmməd Əmin Rəsulzadənin Novxanıdakı abidəsini ziyarət ediblər

31 yanvar 2011 14:42 (UTC +04:00)

Bakı. Pərvin Abbasov – APA. Bu gün bəzi müxalifət təşkilatlarının yaratdığı İctimai Palatanın üzvləri Məhəmməd Əmin Rəsulzadənin doğum günü münasibətilə onun Bakının Novxanı qəsəbəsində yerləşən abidəsini ziyarət ediblər. APA-nın məlumatına görə, tədbirdə İctimai Palatanın Koordinasiya Şurasının üzvləri - Müsavat başqanı İsa Qəmbər, AXCP sədri Əli Kərimli və başqaları çıxış edib. Daha sonra M. Ə. Rəsulzadənin Novxanı qəbiristanlığında dəfn edilmiş qohumlarının məzarları ziyarət olunub.

Bu gün həmçinin Müsavat Partiyasının qərargahında partiyanın 100 illik yubileyi ilə bağlı nəzərdə tutulmuş tədbirlər çərçivəsində tarix elmləri doktoru Aydın Balayevin M. Ə. Rəsulzadə haqqında yazdığı kitabın Azərbaycan dilinə çevrilmiş variantının təqdimatı keçirilib. Təqdimat mərasimində İP-nin Koordinasiya Şurasının üzvləri İsa Qəmbər, Əli Kərimli, Pənah Hüseyn, Müsavat Partiyası Mərkəzi İcra Aparatının rəhbəri Arif Hacılı, professor Cəmil Həsənli çıxış edərək kitabla və Rəsulzadə ilə bağlı fikirlərini bildiriblər.

Xatırladaq ki, Aydın Balayevin rus dilində yazdığı “Məhəmməd Əmin Rəsulzadə – 1884-1995” kitabı 2009-cu ildə Rusiyanın paytaxtı Moskva şəhərində çap olunub.

ictimai_palata