Daxili siyasət

Ana səhifə

Daxili siyasət

Müsavatdan istefa verənlər görüşüblər

07 fevral 2011 09:28 (UTC +04:00)

APA-nın məlumatına görə, görüşdə dünyada və Azərbaycandakı ictimai-siyasi vəziyyət müzakirə olunub. Sabiq müsavatçılar müxalifət partiyalarının yaratdığı İctimai Palatanın (İP) iclaslarında iştirakla bağlı da müzakirələr aparıblar. Onların dördü də İP-nin təsisçisi olduğunu xatırladıb. Adil Qeybulla və İbrahim İbrahimli İP-nin növbəti iclaslarında iştirak etmək qərarına gəldiklərini bildiriblər. Q. Hüseynli və S. Əkbər isə konkret qərar vermədiklərini söyləyiblər.

Sülhəddin Əkbər APA-ya açıqlamasında məlumatı təsdiqləyib. O, hələ ki, İP-nin iclaslarına qatılmağı düşünmədiyini deyib. “Ancaq biz dördümüz də İctimai Palatanın təsisçilərindənik”, - deyə, o əlavə edib.

Adil Qeybulla isə APA-ya deyib ki, həqiqətən də İP-nin iclaslarına qatılmağı planlaşdırır: “Lakin konkret deyə bilmərəm ki, növbəti iclasa, yoxsa ondan sonrakı iclaslara qatılacağam”.

Qabil Hüseynli APA-ya açıqlamasında İP-nin iclaslarına qatılıb-qatılmamaq barədə konkret qərar vermədiyini deyib: “Hələ ki, bu barədə düşünürəm”.

Qeyd edək ki, Demokratiya Uğrunda Vətəndaş Hərəkatı - İctimai Palata 2010-cu ildə təsis olunub. İctimai Palatanın 9 nəfərdən ibarət Koordinasiya Şurasının üzvlərinin yarısı siyasi partiyaların (İsa Qəmbər, Əli Kərimli, Yusif Bağırzadə, Pənah Hüseyn), yarısı vətəndaş cəmiyyətinin (Mirvari Qəhrəmanlı, Aqil Səmədbəyli, Ənnağı Hacıbəyli, Vidadi Mirkamal, Hacı İlqar İbrahimoğlu) təmsilçiləridir. İP-nin iclasları ayda bir dəfədən az olmamaq şərtilə keçirilir. Növbəti iclas (sessiya) fevralın 26-da keçiriləcək.

Müsavat