Daxili siyasət

Ana səhifə

Daxili siyasət

Azərbaycan prezidenti yeni hərbi müəssisənin açılışında iştirak edib - YENİLƏNİB - FOTOSESSİYA

Azərbaycan prezidenti yeni hərbi müəssisənin açılışında iştirak edib - <font color=red>YENİLƏNİB - FOTOSESSİYA</font>

03 mart 2011 12:42 (UTC +04:00)

APA-nın məlumatına görə, dövlət başçısı Heydər Əliyevin büstünü ziyarət edib.

Sonra müəssisənin açılışı olub. Müəssisə ilə tanış olan dövlət başçısı burada xaricdən gələn mütəxəssislərlə görüşüb. Prezident İ. Əliyev onlarla birlikdə müəssisədə istehsal edilən məhsulların nümayiş olunduğu filmə baxıb. Pilotsuz təyyarənin maketi hədiyyə olaraq dövlət başçısına təqdim olunub. Müəssisə barədə prezidentə məlumat verən müdafiə sənayesi naziri Yavər Camalov bildirib ki, “Azad sistems Co.” müəssisəsinin də daxil olduğu “Şərq” İstehsalat Birliyində son bir neçə ildə geniş tikinti və yenidənqurma işləri aparılıb. Son 3 ildə müəssisədə 5 istehsal sahəsi yaradılıb və yeni texnoloji avadanlıq quraşdırılıb.

Müəssisənin istehsal sahəsi ilə tanış olan dövlət başçısının diqqətinə çatdırılıb ki, burada müasir tipli məsafədən idarə edilən pilotsuz uçuş aparatları istehsal olunur. Pilotsuz uçuş aparatları bir çox texniki iqtisadi üstünlüklərə malikdir. Uçuş aparatında ekipajın olmaması, çəkilən xərclərin az olması, insanın fiziki qabiliyyətindən artıq texniki manevrlər etmək xüsusiyyəti və digər məsələlər bu üstünlüyü şərtləndirən əsas amillərdir. Kompozit materialları sahəsində iş prosesi ilə tanış olan prezident İ. Əliyevə məlumat verilib ki, orbitr 2M və aerostar təyyarələrinin istehsal olunduğu müəssisədə istehsal prosesinin həyata keçirilməsi üçün bütün şərait yaradılıb. Pilotsuz təyyarələrin hissələri də burada hazırlanır. Bunun üçün xüsusi qəliblərdən istifadə olunur və hazırlanma prosesi xüsusi dəqiqliklə icra edilir. Kəsmə-biçmə sexində də hər cür şərait yaradılıb, təyyarələrin hazırlanmasında istifadə olunan materiallar bu bölmədə kəsilir, biçilir və aidiyyəti üzrə istehsala yönəldilir.

Prezident İ. Əliyev MSN-in muzeyində saxlamaq üçün təqdim olunan pilotsuz təyyarənin qanadını imzalayıb. Mühərriklərin yığım sexində olan dövlət başçısı burada yaradılan şəraitlə maraqlanıb. Dövlət başçısına müəssisədə hazırlanan pilotsuz təyyarələrin texniki göstəriciləri barədə məlumat verilib. Bildirilib ki, orbitr 2M təyyarəsi 4-6 km hündürlükdə 4-5 saat uça bilir. Aerostar təyyarəsi 10 km yüksəklikdə 12 saat dayanmadan uçur.

Prezident İ. Əliyevə pilotsuz təyyarələrin hissələri və orbitr 2M təyyarəsinin yerüstü idarəetmə stansiya barədə məlumat verilib. Dövlət başçısı təyyarələrin idarəetmə mərkəzinin fəaliyyəti ilə də maraqlanıb. Qeyd olunub ki, bu mərkəz hazır məhsulun keyfiyyətini yoxlamaq, bir növ onun sınağını keçirməklə yanaşı, pilotsuz təyyarələrin idarə olunmasının texniki xüsusiyyətlərini də özündə əks etdirir. O da bildirilib ki, kəşfiyyat tapşırıqlarını və yerdən ötürülən tapşırıqları yerinə yetirmək imkanına malik olan bu aparatlar uçuş məsafəsinə və enməsinə görə aerodrom tipli, platformalardan start götürmək, aerodroma və yaxud paraşüt vasitəsi ilə enmə qabiliyyətinə malikdir. İnformasiyanın ötürülməsi xüsusi avadanlıqların köməyi ilə yerinə yetirilir.

Sonra gələcəkdə istehsalı Azərbaycanda nəzərdə tutulan DİAMOND-42 dörd yerlik sərnişin təyyarəsinin təqdimatı olub. Müəssisə tanış olan prezident İ. Əliyev burada yaradılan şəraitdən razı qaldı və kollektivə uğurlar arzulayıb.

MSN