Daxili siyasət

Ana səhifə

Daxili siyasət

Hikmət Hacızadə: “Müsavatın 25-30 faiz səs toplaya bilmə proqnozunu apardığım sosioloji tədqiqatlara əsasən vermişəm”

28 mart 2011 15:25 (UTC +04:00)

Hikmət bəy siyasi proseslərdən kifayət qədər baş çıxaran siyasətçi, politoloqdur. Əslində, onun dediyi 30 faiz səs normal demokratik sistem üçün hətta seçkilərdə qələbə çalmağa da kifayət edir. Düzdür, şəxsən mən ehtimal edirəm ki, normal demokratik seçkilər olsa, Müsavat Partiyası ən azı ilkin mərhələdə daha çox səs qazanar”. Bunu APA-ya açıqlamasında Müsavat partiyası Mərkəzi İcra Aparatanın rəhbəri Arif Hacılı deyib. A. Hacılı onun üçün prioritet məsələnin seçkilərin demokratik keçirilməsi olduğunu söyləyib.
Müsavat Partiyası Məclisinin üzvü Hikmət Hacızadə isə APA-ya deyib ki, Müsavat Partiyasının 25-30 faiz səs toplaya bilmə proqnozunu sosioloji tədqiqat apardıqdan sonra verib.
Qeyd edək ki, H. Hacızadə Rusiya mətbuatına açıqlamasında bildirib ki, Azərbaycanda demokratik seçki keçirilsə, Müsavat Partiyası 25-30 faiz səs toplaya bilər. Müsavat Partiyası başqanının müavini Tofiq Yaqublu isə bununla razılaşmayaraq, demokratik seçki keçirilsə, Müsavat Partiyasının parlamentin azı 50 faizini götürə biləcəyini deyib: “Bu isə 50 faizdən yuxarı seçici səsi qazanmaq deməkdir”.

Müsavat