Daxili siyasət

Ana səhifə

Daxili siyasət

Ermənilərin 1918-ci ildə törətdiyi soyqırımı nəticəsində Azərbaycanın Quba bölgəsində 262 kənd məhv edilib

29 mart 2011 09:09 (UTC +04:00)

APA-nın məlumatına görə, konfransda çıxış edən institutun direktoru Aytən Mustafayeva bildirib ki, 1918-1920-ci illərdə erməni hərbi birləşmələrinin azərbaycanlılara qarşı həyata keçirdiyi soyqırım faktları arxivlərdə bu günə qədər qalmaqdadır. O deyib ki, Fövqəladə Təhqiqat Komissiyası 1918-ci il iyulun 15-də Azərbaycan Milli Hökuməti tərəfindən Gəncədə yaradılıb. Komissiya 1918-ci ilin martında Bakıda, mart-may aylarında Şamaxıda, may-iyun aylarında Qubada, Qərbi Azərbaycanda və Azərbaycanın müxtəlif bölgələrində həyata keçirilən soyqırımları ilə bağlı sənədləri toplayıb.

Professor Anar İsgəndərov isə bildirib ki, mart soyqırımı zamanı Bakıda öldürülən azərbaycanlıların sayı 11 mindən artıq olub. Bakı əhalisinə dəyən ziyan 400 milyon manat qiymətləndirilib. Şamaxı şəhərində 8 min, Şamaxı qəzasında isə 8 mindən yuxarı azərbaycanlı qətlə yetirilib. Dəyən maddi ziyan ümumilikdə 1 milyard rubldan artıq olub. Qubada həyata keçirilən soyqırımı zaman 16 min insanın həyatına son qoyulub. Qubada azərbaycanlılarla yanaşı, 3 mindən artıq yəhudi də soyqırımına məruz qalıb. Qubanın 262 kəndi məhv edilib, onlardan 35-i hazırda da mövcud deyil.

31_mart