Daxili siyasət

Ana səhifə

Daxili siyasət

Zərdabda “Gorus-2010: absurd teatrı mövsümü” kitabının müzakirəsi keçirilib

23 aprel 2011 09:17 (UTC +04:00)

APA-nın Mərkəzi Aran bürosunun verdiyi məlumata görə, hadisədən cəmi 17 gün sonra tanınmış filosof alim, akademik, Azərbaycan Prezident Administrasiyasının rəhbəri Ramiz Mehdiyev Ermənistan prezidenti tərəfindən irəli sürülmüş “yeni kəşflər”in ifşasına, bu mötəbər faktlara əsaslanan “Gorus-2010: absurd teatrı mövsümü” kitabı ilə tutarlı cavab verib.
Bu kitab Zərdab rayonu ictimaiyyəti tərəfindən də dərin maraqla qarşılanıb. Bu gün Zərdab rayon icra hakimiyyətində “Gorus-2010: absurd teatrı mövsümü” kitabı informasiya müharibəsində erməni təbliğatına sarsıdıcı zərbədir” mövzusunda dəyirmi masa keçirilib.

Rayon ictimaiyyəti nümayəndələrinin, ziyalıların, gənclərin, qadınların, məcburi köçkünlərin iştirak etdiyi dəyirmi masada rayon icra hakimiyyətinin başçısı Lütvəli Babayev akademik Ramiz Mehdiyevin “Gorus-2010: absurd teatrı mövsümü” kitabının elmi məziyyətləri barədə geniş çıxış edib. Lütvəli Babayev çıxışında qeyd edib ki, Ramiz Mehdiyevin yeni elmi kitabı Ermənistan prezidenti Sərkisyanın və onun havadarlarının, bütün erməni şovinistlərinin riyakarlığına, tarixi saxtalaşdırmaq cəhdlərinə çox sanballı, arxiv materiallarına, elmi əsərlərə əsaslandırılmış tutarlı cavabdır: “Kitabın qiyməti və əhəmiyyəti həm də ondadır ki, müəllif əsərdə erməni liderlərinin tarixi saxtalaşdırmaq, beynəlxalq ictimaiyyəti yeni uydurma və yalanlarla çaşdırmaq cəhdlərini elmi dəlillərlə ifşa edib, Ermənistan dövlətinin əzəli Azərbaycan torpaqlarında yaradıldığını diqqətə çatdırıb”.

Kitab haqqında öz fikirlərini bildirən yığıncaq iştirakçıları vurğulayıblar ki, kitabda bədnam qonşularımız tərəfindən bizim doğma torpaqlarımızın, təbii sərvət və mədəni irsimizin işğal edilməsi və özününküləşdirilməsi tam çılpaqlığı ilə ifşa olunub. Erməni tapdağı altında olan müqəddəs torpaqlarımızda nəinki milli, hətta bəşər mədəniyyəti üçün misilsiz əhəmiyyət kəsb edən yüzlərlə arxeoloji, tarixi, memarlıq abidələri, rəsm əsərləri məhv edilmişdir. Erməni prezidenti Gorusda təşkil etdiyi teatrda utanmadan, dünya elmi ictimaiyyətinin ümumi fikrini nəzərə almadan bəyan edir ki, erməni dilinin ən azı 8 min illik tarixi var. Halbuki bu günə qədər dünyanın bütün alimləri yekdil razılığa gəliblər ki, dünyanın ən qədim sivilizasiyası şumerlərin tarixi 7 min il əvvəllərə təsadüf edir.

Müzakirələrdə çıxış edənlər Ramiz Mehdiyevin belə bir fikrini xüsusi vurğulayıblar ki, Sərkisyanın ermənilərin hamıdan ali, hamıdan üstün olduğunu sübut etmək cəhdi faşizm əlamətidir. Əslində bu fikir həyatda əz əksini tapıb. Çünki Sərkisyan Xocalıda sözün həqiqi mənasında faşistlik edib. Ermənilər öz məzmunsuz “mübarizələrinə” bir ad tapa bilmir, qonşu dövlətin ərazisinin işğalına haqq qazandırmaq üçün “xalqların öz müqəddəratını təyin etmək hüququ” olduğunu bayraq ediblər.

Sonda çıxışçılar bu kitabın hər birimizin stolüstü kitabı olması, tarixi həqiqətlərin dünya ictimaiyyətinə çatdırılmasında ən çox öyrənilən və maraq dairəsində olması fikrini ifadə ediblər.