Daxili siyasət

Ana səhifə

Daxili siyasət

Müsavat Partiyası Divanının toplantısı keçirilib

22 avqust 2011 14:31 (UTC +04:00)

Bakı. Pərvin Abbasov – APA. Bu gün Müsavat Partiyası Divanının növbəti toplantısı keçirilib. Partiyanın mətbuat xidmətindən APA-ya verilən məlumata görə, yığıncağın əvvəlində qərarların icra vəziyyəti və görülən işlərə baxılıb. Sonra partiyadaxili məsələlər müzakirə edilib.

Toplantıda 2 aprel mitinqində həbs olunanlar üzərində qurulmuş qondarma məhkəmə prosesləri barədə məsələ müzakirə edilib, bununla bağlı ayrıca bəyanat qəbul edilib.
Divan İctimai Palatanın növbəti sessiyasında qəbul edilməsi tövsiyə olunan sənədləri geniş müzakirə edib və müvafiq qərarlar qəbul edib.

Türkiyədə terror nəticəsində şəhid olan hərbi qulluqçuların ailələrinə başsağlığı verib və PKK-ya qarşı mübarizənin gücləndirilməsi prosesini müsbət dəyərləndirib. Somalidə baş verən aclıq və səfalətin aradan qaldırılması üçün atılan addımları dəstəkləyib və dünya xalqlarının bu prosesə qoşulmasına ehtiyac olduğunu bildirib.

Divan Suriya və Liviyada baş verənləri də müzakirə edib. Sonda cari məsələlərə baxılıb.