Daxili siyasət

Ana səhifə

Daxili siyasət

Azərbaycan daxili işlər nazirinin müavini: “Bu gün polis üzərinə düşən vəzifələri layiqincə yerinə yetirməyə qadirdir, buna gücü var”

09 sentyabr 2011 07:47 (UTC +04:00)

APA-nın məlumatına görə, bunu Mərkəzi Seçki Komissiyasının (MSK) dairə seçki komissiyalarının (DSK) sədrləri üçün seçki hüququ üzrə ixtisaslaşdırılmış kurslardakı çıxışında daxili işlər nazirinin müavini Oruc Zalov deyib.

Nazir müavini ötən il keçirilmiş parlament seçkiləri zamanı şəxsiyyət vəsiqələri ilə bağlı ortaya problemlər çıxdığını bildirib: “Vəsiqələri yaşla əlaqədar dəyişməyənlər vardı. Həmin şəxsiyyət vəsiqələri etibarsız sayılır. Ancaq seçki komissiyalarının məsələyə müdaxiləsi nəticəsində bu cür vəsiqəsi olanların da seçki hüququ təmin olundu, onlar səs verdilər. Vətəndaşlar özləri vaxtı keçmiş şəxsiyyət vəsiqəsini dəyişdirməkdə maraqlı olmalıdırlar. Biz bununla bağlı maarifləndirmə işləri də aparırıq. Bu gün 16 yaşına çatmış vətəndaşlarımız heç bir problemsiz şəxsiyyət vəsiqəsi ala bilirlər. 16 yaşına çatmış şəxslərin 99 faizi artıq şəxsiyyət vəsiqələri ilə təmin olunub”.

MSK