Daxili siyasət

Ana səhifə

Daxili siyasət

Bu həftə Azərbaycan Milli Məclisinin iki iclası keçiriləcək

24 oktyabr 2011 08:27 (UTC +04:00)

Bakı. Rəşad Süleymanov – APA. Azərbaycan Milli Məclisinin növbəti iclasları oktyabrın 25 və 28-də keçiriləcək. Bu barədə APA-ya Milli Məclisin mətbuat xidmətindən məlumat verilib.
Ümumilikdə iki iclasın gündəliyinə 18 məsələ daxildir.
Oktyabrın 25-də keçiriləcək iclasda “Azərbaycan Respublikasının keçmiş prezidenti və onun ailə üzvlərinin təminatı haqqında” Konstitusiya qanununun layihəsi ilk oxunuşda müzakirəyə çıxarılacaq.
İclaslarda, həmçinin “Cinayət mühakimə icraatının iştirakçılarının müdafiəsi haqqında” saziş təsdiq ediləndən sonra Azərbaycan Respublikasının qanun layihəsi, “Prokurorluq haqqında”, “Prokurorluq orqanlarında qulluq keçmək haqqında”, “Əməliyyat axtarış fəaliyyəti haqqında”, “Bələdiyyələrin statusu haqqında”, “Bələdiyyələrin maliyyələşməsinin əsasları haqqında”, “Bələdiyyə qulluğu haqqında”, “Bələdiyyə torpaqlarının idarə edilməsi haqqında”, “Bələdiyyələrin fəaliyyətinə inzibati nəzarət haqqında”, “Bələdiyyələrin daimi və başqa komissiyaları haqqında”, “Lənkəran şəhərinin inzibati ərazi bölgüsünə qismən dəyişiklik edilməsi haqqında”, “Gədəbəy rayonun inzibati ərazi vahidlərinin adlarının dəyişməsi haqqında”, “Psixatriya yardımı haqqında qanuna dəyişiklik edilməsi haqqında” qanunlara dəyişikliklər müzakirə olunacaq.
Bundan başqa, “Sosial xidmət haqqında” və “Mədəni bitkilərin genetik ehtiyatlarının mühafizəsi və istifadəsi haqqında” qanun layihələri ilk dəfə müzakirəyə çıxarılacaq. Həmçinin İnsan alverinə qarşı mübarizə üzrə milli koordinatorun məlumatı dinləniləcək.