Daxili siyasət

Ana səhifə

Daxili siyasət

“Bakı” jurnalının Azərbaycan prezidenti İlham Əliyevin 50 illik yubileyinə həsr olunmuş xüsusi sayı çapdan çıxıb - FOTOSESSİYA

“Bakı” jurnalının Azərbaycan prezidenti İlham Əliyevin 50 illik yubileyinə həsr olunmuş xüsusi sayı çapdan çıxıb - <font color=red>FOTOSESSİYA</font>

26 dekabr 2011 08:51 (UTC +04:00)

APA-nın məlumatına görə, jurnalın baş redaktoru Leyla Əliyeva giriş sözündə atasının ad gününə nə hədiyyə etmək barədə çox düşündüyünü yazır: “Sənə nə hədiyyə etmək barədə çox düşündüm və qərara gəldim ki, bu gün səni daha çox yaxınlarının sözləri, doğmalarının arzuları, uzun illər səni tanıyan, ünsiyyətdə olan, həyat yolunda sənin yanında addımlayan insanların təbrikləri daha çox sevindirir”.

182 səhifəlik illüstrasiyalı jurnalda prezident İlham Əliyevin uşaqlıq və gənclik illərini, tələbəlik dövrünü və siyasi fəaliyyətini əks etdirən məqalələr və fotolar dərc olunub. Ailə şəkilləri ilə illüstrasiya olunmuş “Heydər və Zərifə Əliyevlər” adlı məqalədə müəllif Elmira Axundova Azərbaycan prezidentinin valideynləri - görkəmli siyasi xadim Heydər Əliyev və akademik Zərifə Əliyeva haqqında fikirlərini bölüşüb.

Bakının müasir simasını əks etdirən fotolarla zəngin məqalə də böyük maraq doğurur. Məqalədə qeyd olunur ki, Bakının yeni, işıqlı və sevincli simasını müasir dövrün ən tanınmış arxitektorları yaradırlar.

Jurnalda dövlət başçısının ailə üzvlərinin, yaxın qohumlarının, tanınmış siyasət, biznes, mədəniyyət və incəsənət xadimlərinin, həmçinin Azərbaycanın müxtəlif bölgələrindən vətəndaşların təbrikləri dərc olunub.

“Bakı” jurnalının baş redaktoru Leyla Əliyeva təbrik məktubunda Azərbaycan prezidentinə ən xoş arzularını çatdırıb: “Öz adımdan demək istəyirəm: belə bir atam olduğuna görə xoşbəxtəm. Yəqin, hər kəs özünə görə yaxşıdır, hər kəsin müsbət keyfiyyətləri, uğurları, xidmətləri var. Lakin sənin simanda ən ləyaqətli, yaxşı və alicənab xüsusiyyətlər toplaşıb”.

Heydər Əliyev Fondunun prezidenti, UNESCO və İSESCO-nun xoşməramlı səfiri, millət vəkili Mehriban Əliyeva dövlət başçısı İlham Əliyevi ləyaqətli, vicdanlı və səmimi insan kimi xarakterizə edib: “İlhamla artıq 30 ilə yaxındır bir yerdəyik. Birgə həyatımızda çoxlu parlaq, xoşbəxt, unudulmaz günlər və hadisələr olub. Lakin çətinlik və problemlər, əvəzi doldurulmayacaq itkilər və dərin kədərlə də üzləşmişik. Bəzən biz sakitcə və tələsmədən planlar qururduq, bəzən isə qəti və təxirəsalınmaz hərəkətə keçmək vaxtı gəlirdi. Əminəm ki, həyatımızda hələ çox şey baş verəcək. İlhamın dediyi kimi, əsas məsələ ləyaqəti qoruyub saxlamaq, vicdanlı və səmimi olmaqdır. İlham məhz belə insandır”.

Dövlət başçısının qızı Arzu Əliyeva atasının məsləhətlərinə hər zaman ehtiyac duyduğunu deyib: “Ailəmizdə sən hamının qayğısına qalır, arzularımızla maraqlanır və həmişə bizə dəstək olmağa hazır olursan. Mənim üçün sənin məsləhətlərin çox vacibdir, sənin sevgini hiss etdiyimə görə xoşbəxtəm. Anamla münasibətləriniz mənim üçün həmişə nümunə olaraq qalacaq. Artıq uzun illərdir, ailə qursanız da, qarşılıqlı sevginiz və hörmətiniz hər gün daha da güclənir. Çox istəyirəm ki, mənim də bu cür dostluq və sevgi əsasında qurulmuş ailəm olsun. Ata, arzu edirəm ki, həmişə sağlam olasan və tez-tez gülümsəyəsən. Çiyinlərində böyük yük var və istəyirəm ki, tez-tez istirahət edəsən. Bütün arzularının həyata keçməsini, Azərbaycanın daha qüdrətli və gözəl olmasını arzulayıram”.

Prezidentin oğlu Heydər Əliyev də təbrikində atasını çox sevdiyini deyib: “Əziz ata, Səni çox istəyirəm. Səni ad günü münasibətilə təbrik edirəm. Sənə işlərində uğurlar arzulayıram. İstəyirəm ki, həmişə sağlam, gənc və güclü olasan. Səni həmişə sevindirməyə çalışacağam. Mənim arzum – böyüyəndə sənə oxşamaqdır. Təbrik edirəm”.

Jurnalda akademik Arif Paşayevin, akademik Cəmil Əliyevin, professor Nərgiz Paşayevanın, Azərbaycan və Rusiyanın xalq rəssamı Tahir Salahovun və digərlərinin təbrikləri də yer alıb.

İlham_Əliyev_50