Daxili siyasət

Ana səhifə

Daxili siyasət

İctimai Palatanın Koordinasiya Şurasının yeni üzvləri bəlli olub

08 yanvar 2012 16:55 (UTC +04:00)

APA-nın məlumatına görə tədbirdə, sessiyaya Müsavat başqanı İsa Qəmbər sədrlik edib.

Sessiyada ictimai-siyasi vəziyyət, 2012-ci ildə İP-in vəzifələri ilə bağlı müzakirələr aparılıb.

Müsavat başqanı İsa Qəmbər İP-nin fəaliyyəti barədə məlumat verib.
Hacı İlqar İbarhimoğlu isə ötən bir ayda İctimai Palatanın onun sədrliyi dövründə gördüyü işlərdən danışıb.

AXCP sədri Əli Kərimli isə çıxışında İctimai Palatanın tərkibinin genişlənməsi, Rafiq Tağının qətli və Fransa parlamentində qondarma “erməni soyqırımı”nı inkar edənlərə cəza nəzərdə tutan qanunun müzakirəsi ilə bağlı məsələlərdən söhbət açıb.

Daha sonra İP Koordinasiya Şurasına (KŞ) seçkilər başlayıb. Bildirilib ki, KŞ üzvlüyünə 22 namizəd olub. Bunlardan ikisi-İmamverdi Cəfərov və Əli Orucov namizədliyini geri götürüb.

KŞ-nin üzvlərinin sayının 17 nəfər olması nəzərdə tutulub, bu struktura üzvlüyə isə 20 iddialı olub. Namizədlər çıxış edərək, özləri və siyasi fəaliyyətdəki gələcək düşüncələri barədə məlumat veriblər.

Keçirilmiş gizli səsvermədən sonra İP KŞ-nın üzvləri bəlli olub:

1. Aqil Səmədbəyli- Bütöv Azərbaycan Birliyinin Mərkəzi Şurasının sədri
2. Ədalət Yusubov - Klassik Xalq Cəbhəsi Partiyasının sədr müavini
3. Əli Kərimli - AXCP sədri
4. İbrahim İbrahimli - müstəqil siyasətçi
5. Hacı İlqar İbrahimoğlu - DEVAMM-ın sədri
6. İsa Qəmbər - Müsavat Partiyasının başqanı
7. Köçəri Nağıbəyli - Qərbi Azərbaycan Azadlıq Təşkilatının sədri
8. Qələndər Muxtarlı - Azərbaycan Millətçi Demokrat Partiyasının sədri
9. Leyla Əliyeva - müstəqil politoloq
10. Rahim Hacıyev - “Azadlıq” qəzeti redaktorunun birinci müavini
11. Mehriban Vəzir - yazıçı-publisist
12. Mirvari Qəhrəmanlı - hüquq müdafiəçisi
13. Pənah Hüseyn - keçmiş baş nazir
14. Rafiq Manaflı - Vətəndaş Həmrəyliyi Partiyası Ali Məclisinin sədri
15. Rauf Arifoğlu - “Yeni Müsavat” qəzetinin baş redaktoru
16. Vidadi Mirkamal - ədliyyə generalı
17. Zəfər Quliyev - müstəqil politoloq, analitik

Beləliklə, namizədliyi irəli sürülənlərdən Vətəndaş Hərəkatı Forumunun həmtəsisçisi İxtiyar Abdalov, fəlsəfə elmləri doktoru Sotanhəmid Məlikov və Vaqif Hacıbəyli KŞ-nın üzvlüyünə seçkilərdə məğlub olublar.