Daxili siyasət

Ana səhifə

Daxili siyasət

Oqtay Əsədov: “Bəzi qüvvələr hələ də kənarda dəstək axtarır”

16 mart 2012 14:26 (UTC +04:00)

APA-nın xəbərinə görə, bu sözləri Ümid Partiyasının sədri, millə vəkili İqbal Ağazadə Milli Məclisdəki çıxışında deyib. O bildirib ki, Azərbaycan özü Almaniya ilə geniş əməkdaşlıq edir: “Bundan başqa, yaddan çıxarmaq lazım deyil ki, Almaniya Avropanın liderlərindən biridir və Azərbaycana dost ölkədir, onun parlamenti Xocalı ilə bağlı qərar qəbul edib”.

İ. Ağazadə hökumətin hesabatının qənaətbəxş olmadığını söyləyib. O hesab edir ki, belə hesabata görə hökumət istefaya getməlidir.

Fəzail Ağamalı isə bəyan edib ki, xarici dövlətlərin məmurları Azərbaycanın daxili işlərinə qarışırlarsa və MM-in tribunasında başqa dövlətin əleyhinə danışırlarsa, bunun qarşısı alınmalıdır: “Almaniya xarici işlər nazirinin hərəkətləri də buna misal ola bilər. Biz Elmar Məmmədyarovdan xahiş eləsək ki, gedib Almaniyada destruktiv qüvvələrlə görüşsün, onların buna münasibəti necə olacaq? Bura gəlib elə adamlarla gizli görüşlər keçirirlər ki, onların heç bir milli qürur hissi yoxdur. Almaniyanın ombudsmanı gəlib öz ölkəsindəki problemləri kənara qoyaraq buradakı insan haqları ilə bağlı məsələlərə münasibət bildirir”.

Milli Məclisin sədri Oqtay Əsədov F. Ağamalının çıxışına reaksiya verərək bu məsələnin artıq ikinci dəfə qaldırıldığına diqqət çəkib və bunun təkrarlanmasına qarşı olduğunu vurğulayıb: “Siz Saakaşvilinin çıxışlarına toxundunuz – ona heç kim xüsusi olaraq bu çıxış üçün şərait yaratmayıb. O, müstəqil dövlətin başçısıdır və öz çıxışını edib. Eləcə də Almaniyanın xarici işlər naziri bura rəsmi səfərə gəlib. Əsas problem onlarla görüşmək istəyənlərdə və kənarda özünə dəstək axtaranlardadır. Bəzi qüvvələr hələ də kənarda dəstək axtarır”.

milli_məclis