Daxili siyasət

Ana səhifə

Daxili siyasət

Elnur Aslanov: “Bu mitinq göstərdi ki, Azərbaycan gəncliyi müxalifət qüvvələrini mövcud hakimiyyətə alternativ görmür”

17 mart 2012 15:25 (UTC +04:00)

APA-nın məlumatına görə, bunu Prezident Administrasiyası siyasi təhlil və informasiya təminatı şöbəsinin müdiri Elnur Aslanov bildirib.

E. Aslanovun sözlərinə görə, uzun illərdir ki, müxalif siyasi təşkilatlar Azərbaycanda «çoxsaylı etirazçı elektoratın» olduğunu, lakin onların aksiya keçirmələri üçün uyğun yerin olmadığını söyləyiblər.
E. Aslanov özlərinin zəifliklərini “çoxsaylı aksiyaların” keçirilməsi üçün şəraitin olmaması ilə əsaslandıran müxalifət partiyalarının xarici ictimaiyyətə Azərbaycanda sərbəst toplaşma hüququna riayət olunmadığını sübut etməyə çalışdıqlarını qeyd edib: “Bugünkü aksiya bu bəyanatların əsassız olduğunu təsdiqləyib. Birincisi, bu və sonrakı mitinqlərin keçirilməsi üçün hakimiyyət tərəfindən yer ayrılıb. İkincisi, aksiya iştirakçılarının təhlükəsizliyi təmin olunub. Üçüncüsü, mitinq təşəbbüskarlarının aksiyanın təşkili üçün kifayət qədər vaxtı olub. Lakin sosial şəbəkələrdə və internetdə yayılmış elanlara baxmayaraq, müxalifət paytaxt meriyasının ayırdığı əraziyə 250-300 nəfərdən artıq iştirakçı toplaya bilməyib. Bu, bir daha onu göstərir ki, müasir Azərbaycan gəncliyi müxalifət qüvvələrini mövcud hakimiyyətə alternativ görmür”.